Yaya 9:41 - Ala Wone Peenok Peebi Mbanak

⁴¹ Yogo mbareegwa, at Yetut nen, “Kit kinigen mbuk logonetak en, maluk kinoba lenggenak logonetak lek kwe, kit nen, Nit ninigen obeelom o, yogwe ti paga, maluk kinoba aret wonage o,” yinuk, yoragagerak.

Yaya 9:41 ပူးပေါင်းရင်းမြစ်များ

Kini Wuppiige 26:12

Aap ambi iniki lek kagak iniki warak ombaruwak nduk wogoppake nogo kage menggendak ilik, lek a? Aap iniki abe wi nen iniki warak eekkoloorak ti, op negen kwe, aap ti perak, iniki warak eekkoloorak abu meek aret o.

Yetaya 5:21

It aap nen, “Nit abu niniki warak aret,” yogwe, “Nit yi wone ndi wone abu nineenu aret,” yogwe, Eekwi ti, Mondok inabuwa o!

Yeremiya 2:35

It nen yogo logonet, Nit ambi eerulik me, Ala anini ninoba pinanigin lek o, yogwe iigirak o. Yogwe iigirak kwe, Nit maluk eerulik o, yinuk, yagaarak ti paga an nen inowak loonogo aaninggin inoba kwippiyaagin o.

Lukat 12:47

Aap ayeloman ambi ogoba eeriyak mbake nogo eenu kwe, li'luk eeppunuk, eeka'lek kenok, yawi paga nggwiirit wake kaamunggup o.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

Iberani 10:26

“Ala ndogop menggerak o,” yinuk, wone waganeegurak nineenu logonet kwe, kagak, maluk eeriyak niniki koombunuk eerit mban nogwe niinok, ninomaluk lek eerogo pinanuwak nduk, alik ambi warogo Ala wogoriyak lek me,

Yakobut 4:17

Ndi, kit obeelom eeko logorak kineenu logonet kwe, eeka'lek kiinok, tirogon maluk aret o.