Togop yoragagerak kwe, it aap Torom mendek nogo nen at Lot yogo logonet, “Keebe tayorogon nda nen agan nege a nak a!” Yogo logonet, “Kat kunduk nggiru nineya wagandak nogo nen ninowak looninaburak nduk ari agandik? It aap mbere ti, mbawok negen eeginako logonet, kat mondok nggwok lombok eekkabukwak, nda nen ari a nak a!” yinuk, inoone panggok togon yogo logonet, at Lot nogo pelegirik tungga langgunik-panggunik agago mambuwok nduk eekwi me,
Yaya 9:34 - Ala Wone Peenok Peebi Mbanak34 Yorage mbareegi, it nen onggo at yogo logonet, “Kat mondok kitok maluk lombok nda'nagagindak nen yogondak wone nit mamunninaburak nduk eeke agandik ya?” yinuk, eebe endekem mugogo wumbereegwaarak. အခန်းကိုကြည့်ပါ။ |
Yaya 9:34
34 ပူးပေါင်းရင်းမြစ်များ
Wone awo yoge kagak, aap endagembogut Amatiya nen Ala yoge kagak yoraga nogo yoge logonet, “Kat nen aap endagembogut kini wuppege logorak nit nen mippagagoorak me ari agandik? Koone puk logot o. Koorogo pagarak uugwe mbake logonet, ari agandik ya?” Yoge mbareegi, aap Ala nen yoge kagak yoraga nogo, ne ambit iluk oone puk wonagagirik, at yoge logonet, “Kat yi eekendak paga inom, an yokkege neegak konengga'lek wonage paga inom, Ala nen kat kenggaawak lek eerogo pagarak koonogo pegerak nogo, an neenu aret me, ari agarik o,” yinuk, yoreegerak.
Yoge mbareegi, at aap nogo nen Muta yoge, “Ninarum logonet ninowak loongge logorak ta nen mippagagerak? Kat aap Metit mendek wakendak nogo kokwak an nooriyak nduk yagan ya?” Yoge mbareegi, Muta nogo agabiti age nagagerik, iniki mbake logonet, “An eekirak nogo abok aret ineenu agaarak kagi,” mbareegerak.
Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.
It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.
Yorogogwaarak nogo ti, it aap Yakuri mendek nen koonggo logonet, “Aakumi nen, Aap ti, Ala nen leenogo mippereegerak Keritut aret o, yinuk paganggwi iinok, nit Yakuri tamban eeko menggam nen wumbiyaawok o,” yinuk, kooneegwaarak me, aap nogo agalo-ogoba aap Yakuri mendek inagabiti nen, “Nit nineenggo'lek o.
It Ala wone taganogo punuk, maluk eeko nogogwaarak paga Ala anini inoba piyoorak wonogogwaarak nogo ndak-ndak, nit kunduk, togop aret niniki maan mendek nen yo'nirage kagak niniki nengge kenok mugurok nogwe, maluk eeriyak ee'ninake kenok eerit nogwe, maluk eeriyak mban koonit nugwi, eeko nogogurak paga Ala anini mondok ninoba pinaniyak aret wonogogurak kwe,
Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.
Togop me, nit eerulik kagak oone abu maluk ninoba pinaneegerak me, an wage logominggirik, at yereegerak nogo liirogon mbininogo yokkege neyaamunggun o. Oone maluk ti mban ninoba punuk, puk age ti lek o. Ata, ninoreewi wogwe iinok, ineebe wogonaka'lek logonet, it wogonaburak mbakwi nogo, “Wogonaburak lek o,” yinuk, inenggela'me nen wumbiige menggerak me, liirogon yokkege neyaamunggun o.
ကြော်ငြာတွေ