Yaya 9:32 - Ala Wone Peenok Peebi Mbanak

³² O maan aa'nduk nen nok, yogondak yi kuli paga aap ambi nen aap enegen mbuk nda'nagagerak ambi enegen togop obeelom eereegerak abu konenggulik me,

Yaya 9:32 ပူးပေါင်းရင်းမြစ်များ

Yetaya 64:4

Kat Ala nen eeke keyaawok nduk tokkeegwi me, eeke keego mengga kwak, O aa'nduk nen nok, yogondak kuli it aakumi inogoba alik ambi togop eeke liippugwi, Oone ari inaruk konenggwi, inigen abe nen kogwe, Eeka'lek aret wonogo menggaarak o.

Wayu 16:18

Ari mbaki, o yabok mondok kunik-kunik eeke, o ngguurubu ari, ndi, maan aakumi wakkagagerak kuli nen, nok, yogondak kuli paga togop eekeelik kwe, o mi mondok alik negen nuk eerit wage logonet, nggween mondok abut laganak-mbaganak eeke, eeke kagarak.

Lukat 1:70

Ti eereegerak nogo maan aa'nduk it aap at ake leenak Ala nen yorage kagak yoraga nogo nen aakumi yorogo logonet, It ninom wim mbanak ineenggi me nen ndinogo ninagap ndake,

Ayup 20:4

O maan aa'nduk nggween paga yime aakumi piyareegerak kuli nen Eerit wundi wogo nogogwaarak nogo, kat keenggo'lek ya?

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

Yaya 9:33

aap yi, Ala nen nappi woraanetak lek nen, yi eekak ndi eekak abok eeriyak mondok meek aret kaanetak.”

Yaya 10:21

Yogwe iigak, it ando nen, “Lek o. Wone ti, aap kugi inikime nen ari lek o. Kugi nen aap inigen mbuk obeelom eeginaburak op mbakop? Meek o,” yinuk, yogogwaarak.