Yaya 9:30 - Ala Wone Peenok Peebi Mbanak

³⁰ Yogo mbareegwa, at aap nogo nen, “Wologwe! Kit yogwe tira, wiigirage agarik o. Aap ti, ngga nen wagagerak kineenggo'lek kwe, an nenegen obeelom ee'nakerak ti o!

Yaya 9:30 ပူးပေါင်းရင်းမြစ်များ

Ndawi 119:18

Kat iya tit eerit wage menggendak koone yugu Muta nen liiru mbaneegerak nogo, Nenegen maloppikit nduk, nenegen eya eerogo panege, Eeke logot o.

Yetaya 29:14

Togop me, an nen iya mbariyak mendek eeppiinet mban naminggirak paga iniki lek age, It aap iniki warak nen iniki warak logonet agan nugwi nogo lek arit nage, It aap ineenu nen ineenu logonet yorogwe nogo, kobak age, Eerigin,” yegerak o.

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

Marakut 6:6

Ndi, at Yetut nen it iniki at oba panggombunuk abet ombaka'lek iige nagagerik, “Aakumi yi, iya!” yinuk, pi waganabeegerak. At Yetut nogo o yaga'lelo lombok yanggwagak-ndanggwagak nege logonet, wone mamuniranet nege nagagerak.

Lukat 7:22

Nogogwaarak nogo nen wone nogo Yetut yogo mbareegwa, at Yetut nen, “Eeke kinigen kogotak inom, agan nugwi kinaruk konenggotak inom, ti, kiniyokan Yaya yori nanip o. Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, aap inamendek lek nogo obeelom wone yorage, eeke nogo yori nanip o.

Yaya 12:37

Aakumi ineenu ariyak inagabiti warak mendek abok aret it inenggaanom eeke nagagerak kwe, iniki at oba panggombunuk, abet mbaka'lek aret wonogogwaarak.

Yaya 3:10

Yoge mbareegi, at Yetut nen, “Kat aakumi Iterali mendek mamunirage menggendak aret kwe, an wone yokkege yi, liippega'lek agandik?

Yaya 9:29

At Ala nen Muta wone yoge nagagerak ti, nineenu aret kwe, at yi perak, ngga nen wagagerak ti, nit nineenggo'lek o,” yinuk, yoreegwaarak.

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.