Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaya 9:16 - Ala Wone Peenok Peebi Mbanak

16 Yorage mbareegi, it aap Pariti mendek ando nen, “Aap ti, nit Yakuri tamban eekwi paga mage yugu kagak eerit nage me, at Ala wonage me nen woroolik o.” Yogwi iigak, it ando nen perak, “Aap maluk eeke menggerak nen nineenu ariyak ninagabiti warak mendek yogop eeriyak op mbakop?” Yogo logonet, it ogoorak ka'let eekkologogwaarak.

အခန်းကိုကြည့်ပါ။ ကော်ပီ




Yaya 9:16
18 ပူးပေါင်းရင်းမြစ်များ  

aap ambi eenggi peenok kambak time aret wonage me, it aap inoone Yetut oba puwok nduk, eegwa'me waganggo logonet, “Tamban eekwi paga aakumi andi obeelom aganaburak op aret mbaken a?”


Nenet nogwe it aap Pariti mendek nen inigen iigo nogogwaarik, Yetut yogo logonet, “Tamban eekwi paga yi eekak ndi eekak eeriyak mage yugu kagak, it kat koone waganggwi mendek nen ugun eekwi yi iyet o.”


Ti eeke mbareegi, aap Yakuri tamban eeko menggam unde nogo it tamban eekwi paga Yetut nen kwe nogo obeelom eekerak kage nagagerik, anini nen aakumi apit yorage logonet, “Yabu eeriyak nduk nogo 6 kuli yuurak wonage me, nogo 6 kuli yuurak ti paga ugun andi obeelom eekkinabuwak nduk, wogo logomunggup o. Nit tamban eekwi yi paga wagak yuurak lek o.”


Wone ti yoragagerak paga it Yakuri mendek iniki ogoorak ka'let eekkologogwaarak.


An nogoba inikime wonage, ndi, nogoba ti, an ninikime wonage nogo abet mbako logonip o. Ndi, ti abet mbariyak meek kenok, an eerit nage minggirak nogo paga nogoba nimbirak nineebe ambit monggoorak nogo abet mbako logonip o.


An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.


At Yetut nen ineenu ariyak inagabiti warak mendek aa'nduk lombok eereegerak nogo ti, o Nggalileya yaga'lelo Kana nogome logonet, eereegerak ti aret. Time logonet, at tiyanak menggerak nogo abok paganeegerak me, at oone waganggwi nogo iniki at oba panggombunuk, abet mbareegwaarak.


At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”


Tamban eekwi paga eereegerak me, it Yakuri mendek nen aap obeelom agagerak nogo yogwi, “Wulaga! O yogondak nit Yakuri tamban eekwi paga me, kat ndoonak nogo yege menggendak nogo wonok nage ti mage ubi!”


at Yaya nen an nabok paganogo yokkirage ti, meek negen. An abu worok togon eeke logokit nduk, nogoba nen yo'nereegerak eeke minggirak nogo paga nogoba nen nappani wagagerak nabok pagak ari nogo ti, mondok iya lombok aret o.


Ti yoragagerak paga it aap Yakuri mendek it mban-mban wone wako logonet, “Wologwe! Aap yi, at eebe nit nawak nduk nonggop togon wo'niroorak me yigi mbakop?”


It aakumi ambik lakome wogogwaarak nogo nen yagap wone paga Yetut abok ambik mbanggo logonet, ando nen, “At aap obeelom aret o,” yogwe, ndi, ando nen, “Lek o. At nen aakumi nomoninake menggerak aret o,” yogwe, eeko nogogwaarak kwe,


Kit togon, Muta wone yo'niragagerak lalennage kero, mba'nuk, kit tamban eekwi paga wologwe inagabolo mbaninako monggotak kwe, an nen kit tamban eekwi paga aap ambi eebe obeelom eekirak kagak nonggop nduk an mbe'nogo ogotik?


Yogo mbareegwa, it aakumi nen Yetut awone wako logonet, ogoorak ka'let eekkologogwaarak.


Togop yorogo mbareegwa, it Yakuri mendek nen aap enegen mbuk wonagagerak nogo ambinom wiigo nogogwaarik, wage mbareegi, yogo logonet, “Wulaga! Aap nogo maluk eeke menggerak nit nineenu me, Ala enggaanom paga koone mondok abet aret yu o.”


It o kota time menggaarak nogo inom ogooppunuk logonet, it ando Yakuri inoone waganggwi, ndi, it nappiigak nogo inoone waganggwi, eereegwaarak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ