Yaya 8:6 - Ala Wone Peenok Peebi Mbanak

⁶ Wone ti yoreegwaarak nogo ti, Yetut wone ambi yemenggerak paga yilumbunuk enggali wappuwok nduk, yoreegwaarak.) Yogo mbareegwa, at Yetut wone onggo yoraga'lek we ena wu'nage logonet, eenggi paga nen nggween paga liiru mbaneegerak.

Yaya 8:6 ပူးပေါင်းရင်းမြစ်များ

Wakkagagerak 49:9

Nggeewo singa aagaluk nen enggaanggum uugwe eeke kenok Warogo ndonggorogon nenok, Iyok paga awina wage nagaatik, Eenggi-iyok yungguk-pangguk eeppunuk, Winnagaatak me, Aap ambi agabiti nen singa nogo Eenik eeppegeelik ti kokwak, Kat naput Yekura togop aret logomunggun o.

Ndawi 39:1

An nen mbake logonet, “Noone agan nage paga maluk arukwak, Eeke minggirak nogo liippake, It maluk eeka nowagam wa'nuk wonogwe iigak, Tapi inambe keele maakwi kwak, An nambe arum wakkolage, Eerikit,” mbakirak kwe,

Kini Wuppiige 26:17

Aap wone wakwi me, aap ugun ambi inom nggelenna'nuk wone wakwi nogo ti, Aap nggeewo aruk pigagangge menggi kwak aret menggerak.

Wone Alom Kibingga 3:7

Nibik yuurak eyom wonage, penggaariyak eyom wonage, Inoone yuurak lek eyom wonage, inoone yuurak eyom wonage,

Yeremiya 17:13

It Iterali iniki lunik menggaarak Kaliku ALA wae. It aakumi abok nen kat mbo pagagwi iinok, inenggali age, Ndi, yi eneeri wungge nunggwi iinok, ineenik menggaarak kwe, Kaliku ALA mbo pagagwi iinok, It aap ti, Kaliku ALA mbo pagagaarak me, liirubu aa'ngga paga inendage liiru mbannage, Eerigin o.

Ndaniyen 5:5

Nunggwi iigak, aberak lek me aap endagembogut awi nggwok abe wurik me, ndi wuninogo pegak irimbaga taati aap eebe lek eenggi mban kin age nagagerik, kobat nabenak paga liiru mbangge aap endagembogut nogo enegen kagagerak.

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 15:23

Yoreegerak kwe, at Yetut onggo wone ambiriluk ambi yorulik puk wonage kagak, at oone waganggwi nogo nen Yetut owagam wogo nogogwaarik, at yogo logonet, “Kwe yi, oone nggwok agan mu'niret wage me, nggarurogon nappu ubi!”

Matiyut 16:1

Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 19:3

Obeelom eeginake me, it aap Pariti mendek ando nogo nogogwaarik, Yetut abut mbanuwok nduk, at yogo logonet, “Alom ndogop eekwi iinok, aap nen inakuwi mbo piyoorak op o, yinuk, wone yugu Muta liiru mbaneegerak ambi wonage a, lek a?”

Matiyut 22:18

Yogo mbareegwa, at Yetut nen it wone maluk lombok koonggwi yelok iige nagagerik, yorage, “Kit kiniki laakot logonet, yogo monggotak yi, nonggop nduk, At yemenggerak paga yilinogo puwok, mba'nuk, yo'nogo ogotik?

Matiyut 22:35

aap it mendek ambi Ala wone liiru mbanak unde nen Yetut abut mbanikit nduk, kin wokkage logonet,

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Marakut 10:2

Mamunirage me, it Pariti mendek ando at owagam wogo nogogwaarik, abut mbanuwok nduk yogo logonet, “Aap nen inakuwi mbo piyoorak op o, yinuk, Ala yereegerak Muta nen liiru mbaneegerak ambi wonage ilik, lek a?”

Marakut 12:15

Teppuurak op a, mage a?” Yogo mbareegwa, it iniki laakot logonet yogwi yelok iige nagagerik, it yorage logonet, “Kit nonggop nduk, At yemenggerak paga yilinogo puwok, mba'nuk yo'nogo ogotik o? Mbuti wu nenegen kaakit nduk wo'niri woraanip o.”

Marakut 3:2

Kage kagak, it aakumi nogome nen, “Tamban eekwi paga aap yi obeelom eeke kaamun a, lek a?” yinuk, inoone at oba puwok nduk, inigen pippak ugo nogogwaarak.

Marakut 8:11

O Ndalamanuta wunda wogo mbareegwa, it Pariti mendek nen at owagam nogo nogogwaarik, inom wone wako logonet, “Nineenu ariyak mbogut paga mendek ambi eeke keyaawi o,” yinuk, at eeke abut mbanuwok nduk yoreegwaarak.

Lukat 10:25

Ti'nuk, peebi ne ambi paga aap Ala wone liiru mbanak unde ambi Yetut abut mbanikit nduk, wage nagagerik, yoge logonet, “Ngguru wae. An mondok-mondok neenik logokit nduk, nonggop eeri o?”

Lukat 11:16

ndi, it ando nen at iniki abut mbanuwok, mbako logonet, “Mbogut paga nineenu ariyak ninagabiti warak mendek ambi eeru o,” yinuk, at yogwi, eereegwaarak.

Yaya 8:2

Ti'nuk, ko'lu kuubondendok iyok paga wambi wage nagagerik, Ala awi wurik me unggwi wage nagagerik, wonage me, aakumi apit at owagam wogo mbareegwa, kwi'na'nuk, wone mamunirage nagagerak.

1 Korindut 10:9

It ando nen, “Ala nonggop ee'ninake kaamun?” yinuk, anini eeppogo mbareegwa, waalo nen eyak mbaninabit nage mbareegi, kambit nogogwaarak nogo kwak, nit togop aret kambit nookwak, “Nonggop ee'ninake kaamun?” yinuk, Ala anini eeppuurak mage o.