Yaya 8:52 - Ala Wone Peenok Peebi Mbanak

⁵² Yorage mbareegi, it Yakuri mendek nen at Yetut yogo logonet, “Wone yagandak ti paga kugi kinikime liinik abet aret keego o. At Abarakam inom, Ala nen yorage kagak yoraga inom, kambeegwaarak kagak, kat nen, Aap ambit ambi an noone liippunuk, mugurok nage kenok, kambigin mondok lek o, yagandak ti,

Yaya 8:52 ပူးပေါင်းရင်းမြစ်များ

Matiyut 11:18

At Yaya nogo nen mbi inom, anggur amburu inom, nenggeelik wagagerak me, kit nen, Kugi inikime unggwegerak o, yinuk, yogo monggotak.

Yaya 1:19

It aap Yakuri mendek nen aap Ala unde inom, it aap Lewi mendek inom, “Kat aap ta o?” yinuk, at Yaya yoruwak nduk, o Yerutalem nen at owagam nappiyareegwaarak owagam nogo mbareegwa, at Yaya nen paganogo yoragagerak nogo yi aret o.

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

Yaya 15:20

Ogoba tebenak kagak, ayeloman tiyanak wonageelik o, yokkiragagirak nogo abe'nip o. It nen an piya'nako nogogwaarak me, kit togon, togop aret piyakkinako logogun o. Ndi, it nen an noone waganggo nogogwaarak kenok, kit togon, kinoone waganggo logogun o.

Yaya 17:6

It aakumi o nggween paga yime menggaarak ando leenogo wo'nereegindak nogo, kat Ala eeke menggendak abok paganogo yoragagirak o. It aakumi wo'nereegindak nogo ti, kat kapuri kenok aret wo'nereegindak me, kat koone yoragagirak nogo aret eeko menggaarak o.

Yaya 7:20

Yorage mbareegi, it aakumi nogo nen, “Lek o. Kat kugi kinikime lik yegerak ya? Ta nen kooriyak eeke kenok, ari agandik?”

Yaya 8:22

Yorage mbareegi, it Yakuri mendek nen, “An nawam time kit noorak meek o, yegerak ti, at nen aret wakkoloorak nduk ari ilik?”

Yaya 8:48

Yorage mbareegi, it Yakuri mendek nen, “Kat aap Tamariya mendek kugi kinikime lik yegerak, yokkogoorak nogo ti, abet aret nogo lek a?”

Yaya 8:51

Aap ambit ambi an noone liippunuk, mugurok nage kenok, at kambigin mondok lek o, yinuk, abet aret yokkiragi o.”

Yaya 8:55

Kit at eebe kineenggo'lek kwe, an perak, at eebe neenu aret o. At eebe an neenggo'lek yenetak en, kit pilit pugunggo monggop kwak, an togop aret pilit puguninetak o. At eebe neenu me, at oone an eeke minggirak aret o.

Yaya 9:24

Togop yorogo mbareegwa, it Yakuri mendek nen aap enegen mbuk wonagagerak nogo ambinom wiigo nogogwaarik, wage mbareegi, yogo logonet, “Wulaga! Aap nogo maluk eeke menggerak nit nineenu me, Ala enggaanom paga koone mondok abet aret yu o.”

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.