Yaya 8:32 - Ala Wone Peenok Peebi Mbanak

³² Ndi, Ala ndogop menggerak wone nogo kineenu arumunggup o. Kineenu arumonggotak paga wondet eerogo pinagagin o.”

Yaya 8:32 ပူးပေါင်းရင်းမြစ်များ

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

Yaya 8:36

Togop me, Ala aput an lombok nen wondet agago pinagage neenok, kit mondok abet aret wondet aago aret logomunggup o.

Yaya 17:17

Kat koone ari menggendak nogo ti, abet aret me, An Ala ndogop minggirak o, yinuk, paganogo yorage paga, it kapuri yi, leenogo patu o.

1 Peterut 2:16

Kit aakumi inayeloman kwak lek o. Kit it aakumi we ugun wondet aago nugu menggaarak nogo mendek aret wonogwe me, “An wondet eerogo paneegerak me,” yinuk, kiniki teeluk logonet, ugun maluk eerit nogo logorak mage o. Ata, “An Ala ayeloman aret o,” yinuk, at yokkirage kenok mban eerit nogo logonip o.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Oroma 6:22

Ndi, yogondak perak, kit maluk ayeloman wonogwe kiinok, Ala nen wondet eerogo pinagage nagagerik, at ayeloman logobagip nduk, eerogo pinagareegerak paga eyo anggen yi'nage menggi kwak, at nen leenogo pinagareegerak me, at ake eerit nogo logonet, irip paga kineenik mondok logorak mendek kologo logomunggup o.

Yetaya 61:1

It aakumi tebenogo piinok wonogwe nogo wone obeelom wone yorage logokit nduk, Aliku ALA nen amburu eerogo mippanegerak me, Aliku Itok Menggerak ALA Aberiniki noba panegerak wonage agaarik o. It iniki wakkologwe nogo iniki teeluk eerogo piige, It keele maarak wonogwe nogo, “Muk wondet eerogo pinagagerak o,” yinuk, yorage, It keele maarogo piigo menggam piyareegwaarak wonogwe nogo, “Wumbiya wa'nip o,” yorage, “Aliku ALA nen obeelom eeppinaniyak tahun nogo yi aret aga o,” yinuk, agan nage, “Ninogoba Ala maluk onggo eeppiyoorak ne nogo yi aret o,” yinuk, yoranet nege, It aakumi apit aret iniki puru yogwe wonogwe nogo iniki eyak wappiige, O Tiyon le yogo logonet, purok inanobak paga yikut eerak obaane'me inabetagi ngget mendek yirippiige, Iniki puru aago wonogwe nogo obaane'me nggiraanak eeppiinet nage, It iniki aaninggin ndugu aago wonogwe nogo inale'nggen nen ndawi wako logowak nduk eeppiige, Eeruwak nduk, Nappani wagaarak o. It aakumi ti, at Aliku ALA abu tiyanak, “Wi!” ugwi nogo, aakumi inigen kogo logowak nduk, Awi luurogo punuk, yappereegerak aakumi nen, “Eyo teno kwak Obeelom Mban Eeka,” yinuk, yogo logorak nogo it aret o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

Nggalatiya 5:1

Nit wondet aago nugu logowok nduk, Keritut nen wondet agago pinaneegerak me, eyo aaninggin tapi inuut paga pogo mengga kwak, aaninggin ambinom kinoba pinagawok nduk, “Yogop ee'nu, ndogop ee'nu,” wone yugu nogo mendek ambi yokkira wogwe iinok, inoone konengga'lek mondok kinogogumbuk logonip o.

Yakobut 2:12

It aakumi nen yogo logonet, “Ala nen wone lengganogo yo'niragagerak paga wondet agago pinanege menggerak wone ti paga ninowak loonigin o,” yinuk, abeko logonet, inoone yogwe, eerit nugwi, eeko mengga kwak, eeko logonip o.

Nggalatiya 5:13

Noreewi o. Kit perak, wondet aago nugu logobagip nduk, Ala nen miikkinabeegerak kwe, “An nanonggwan wondet agago paneegerak me, niniki nengge kenok ugun eerit nage logi o,” yinuk, yuurak ti mage o. Ata, nabuwa-kabuwa mbako logonet, kinoreewi kinom yeenggwa-yeenggwa eeko logonip o.

Yeremiya 6:16

Aliku ALA nen yegerak nogo yi aret. “Tu nandogon-kandogon ari nanuk, yambonggwi, Tu aa'nduk lombok nogo nogogwaarak nogo ngge o? yinuk, yorogwe, Tu obeelom nogo menggaarak ngge o? yinuk, yorogwe, Eekwi iinok, Tu yi aret, yorogwe iinok, ti paga aret nogwe, Eeko logowak o. Ti eekwi iinok, iniki kwi'narigin o, yinuk, yoragagirak kwe, It nen, Tu ti paga noorak nineebi o, yinuk, yogwe,

Yaya 7:17

Ala nen eeriyak mbake nogo, Eeruwok, mbakwi kiinok, an wone mamunggirage nogo ti, Ala nen yo'nege kagak, mamunggirage a, an mbake paga mamunggirage a, nogo ti, kineenu arumunggup o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Yaya 16:13

Ala ndogop menggerak paganogo yokkiraga Aberiniki nogo wage logomenggerik perak, Ala ndogop menggerak o, yinuk, mamungginake logogin o. At iniki koombunuk nen yokkirage logogin lek o. Ata, at konembunuk mban yokkirage, ndi, peebi eeriyak wone nogo at nen paganogo yokkirage, eeke logogin o.

Yetaya 30:21

Tu agigan paga nogwe, ogugan paga nogwe, eekwi kiinok, kinambokan nen wone ambi ari logonet, “Tu ti aret me, ti paga nanip o,” yinuk, yokkirage kinaruk konenggo logomunggup o.

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Kini Wuppiige 1:23

An kinaruk wakirak nogo liirogon konenenetak en niniki ee'nake nogo kilikkirage, Ndi, niniki koonit nage nogo kineenu eeppinagage, Ee'netak kwe,

2 Timotiyut 3:7

It kumi ti nen kulinik-kalinik, “Ala ari menggerak wone ti, ambi yo'niraanip o,” yinuk, yorogo menggaarak kwe, Ala ari menggerak wone nogo wagangga'lek aret menggaarak.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Ndawi 119:45

Eeko logorak wone yereegindak nogo An mugurok nage minggirak me, Niniki ugun tayenak aret nege,

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Kini Wuppiige 1:29

It nogo nen yi wone ndi wone ineenu ariyak nogo ineebi mbakwi, Aliku ALA ayuk wuriyak uugwe mbaka'lek wonogwe,

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 2:3

Aakumi inanebunu lombok nen yogo logonet, “O Tiyon nen wone yugu liiru mbanak nogo wiganinuk wundi nage, O Yerutalem nen Aliku ALA wone yugu nogo wonok ndi ari, Eerigin me, Aliku ALA nen eeriyak mbake menggerak nit mamunnirage kenok, nit ndak-ndak eerit nogo logogun o. Aliku ALA abuut paga lagi nogwe, Yakup ogoba Ala awi wurik me unggwi nogwe, Eeruwok nduk, woraanip o,” Yinuk, yogo logogun o.

Matiyut 11:29

An nayum yonggolak kinomba langgumbinagage, ndi, luurik-maarak eerogo kinoba pinagage, eeke ti, aaninggin lek teeluk aret me, an nayum yonggolak kinomba ko'nok, noba yanggonak niniki tebenak logonet, eeke minggirak nogo mamunggolaanip o. Aaninggin kagak mamunggologwe kiinok, eerit nogo logonet, Niniki yanggo yigi, yinuk, yogo logomunggup o,” yoragagerak.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

1 Korindut 7:22

Aap ambit-ambi aakumi inayeloman a'nuk, eeke kagak ninowe nen wiige kenok, at Ala aput wondet agago pereegerak aret wonage o. Ndi, wondet aago wonage me, wiige kenok, aap ti Keritut ayeloman aret mbako logowok.

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.

Ala Unde 25:41

Tahun ti ari wage paga at apuri inom wondet agago piyoorak me, wondet agago piigwi iinok, at ombomini nggween taganeegwaarak owe-awot wonogwe me ame time aret nawak o.