Yaya 8:23 - Ala Wone Peenok Peebi Mbanak

²³ Yogo mbareegwa, it yorage logonet, “Kit yime mendek, ndi, an perak, agi mendek aret o. Kit aap nggween paga mendek kwe, an perak, nggween paga mendek lek o.

Yaya 8:23 ပူးပေါင်းရင်းမြစ်များ

Yaya 3:31

Ti yorage nagagerik, ambinom yorage logonet, “It aakumi abok aret tebenak iigak, at agi nen wagagerak nogo mondok tiyanak wonage o. It nggween paga nen ndarak ti, nggween paga mendek me, nggween paga mendek wone mban yogo menggaarak. It aakumi abok aret tebenak iigak, at mbogut paga nen wagagerak nogo, mondok tiyanak aret wonage o.

Yaya 17:16

An it aakumi nggween paga mendek lek nogo pogom, it kunduk, nggween paga mendek lek o.

Yaya 17:14

Wone yo'nereegindak nogo an muk yoragagirak o. An it aakumi nggween paga mendek lek nogo pogom, it kunduk, nggween paga mendek lek mban me, it nggween paga mendek nen, ineebi inombako agaarik o.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

Ndawi 17:4

It aakumi eerit nogo menggaarak inawone o! It iniki worokot linik eerit nugwi iigak, An togop eeka'lek koone yo'nege menggendak ndak-ndak Niniki lombok arum wakkolage logonet,

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.