Yaya 8:14 - Ala Wone Peenok Peebi Mbanak

¹⁴ Yogo mbareegwa, at Yetut nen, “An nen aret nabok paganggo'net nage kwe, an ngga nen wagagirak, ndi, nggeeme nagin nogo an neenu aret me, noone yokkirage ti, abet aret o. An ngga nen wagagirak, ndi, nggeeme nagin nogo, kit kineenggo'lek aret o.

Yaya 8:14 ပူးပေါင်းရင်းမြစ်များ

Kini Wuppiige 8:7

An noone paga nen maluk wone yuurak neebi mbake minggirak me, noone paga nen ari ti, abet mban aret yokkirage,

Linggineegwaarak 12:3

Aakumi nggween paga menggaarak abok aret inenggela'me nen aap iniki yanggonak lombok wonagagerak ti, at Muta alik aret o.

Yaya 10:15

ndi, an nen at neenu minggirak nogo ndak-ndak, an togop aret nandomba neenu, ndi, it nen an ineenu aret monggoorak o. Togop logonet, an nandomba inake kambikit mbake minggirak.

Yaya 10:36

nogoba nen leenogo panege nagagerik, nggween paga yime nappani wagagerak an nogo nen, An Ala aput aret o, yokkirage paga nonggop nduk, Kat Ala miyuk-meya eerogo pege agandik o, yinuk, yo'nogo ogotik?

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 14:10

An ti, nogoba inikime wonage, ndi, nogoba ti, an ninikime wonage nogo ti, kat abet mbaka'lek agandik? Wone an yokkirage minggirak ti, an niniki koombunuk nen yokkirageelik o. Ata, an nogoba ninikime wonage nen aret yokkirage menggerak o.

Yaya 16:28

An nogoba wonage me nen o nggween paga yime wambi wagagirak. Ndi, yogondak an o nggween paga yime mbo punuk, nogoba ka nage agarik o,” yinuk, yoragagerak.

Yaya 17:8

Kat wone yo'nereegindak nogo abok aret yorage mbareegi, waganggo nogogwaarik, an kat wonage me nen abet aret wagagirak ineenu ogogwaarak me, kat nen an nappani wagagindak nogo it abet aret mbareegwaarak o.

Yaya 18:37

Yoge mbareegi, at Pilatut nen, “Ti kenok, kat aap kendagembogut aret ilik?” Yoge mbareegi, at Yetut nen, “Kendagembogut yo'negendak ti, abet aret yo'negen o. An togop aret logokit nduk nda'nagagirak. Ndi, Ala ndogop menggerak wone paganogo yokkirage logokit nduk, o nggween paga yime wambi wagagirak nogo o! Ala ndogop menggerak, wone yorage nogo waganggwi iinok, Ala apuri aret me, an noone konenggo menggaarak o.”

Yaya 5:31

An nalik nen mban nabok paganogo yokkirage neenok ti, pilit wone aret ari nombariyak kwe,

Yaya 8:42

Yogo mbareegwa, at Yetut nen it yorage logonet, “Kit kinogoba Ala abet aret logonetak en, an Ala wonage me nen wage nagagirik, yime wonage me, ninom kiniki kunik aret logonetak o. An niniki mba'nuk nen woroolik o. Ata, at nen aret nappani wagagerak kwe,

2 Korindut 11:31

An o Ndamitik wonage me, aap endagembogut Aretat awot gubernur nogo nen an pi'nabuwak nduk, awuri yigin unde yoragagerak wundi wage neyo, tu pak ambe paga enaarak wonogwe iigak, noreewi nen muun yarak me yonggologo yagat obaga mbo wumbanugo mbareegwa, it inambeme nen aret mbaganeegirak. Ti eereegirak ti, abok aret nit mondok-mondok alut eeko monggoorak ninowe Yetut ogoba Ala nogo, eenu aret me, an pilit lek, abet aret yokkiragi o.

2 Korindut 12:11

An kumili negen aret ari kwe, alom kit eekwi paga an wone ti yokkirage agarik o. An aap iya me nduk, tiyappaniyak lek kwe, kit nen, “It aap ti, nappiigak mondok iya nen yo'nirogwe o,” yinuk, tiyappiigwi nogo, it iya, ndi, an meek, ti mbake lek it ninom ndak-ndak me, it wogoppiigo logonet, an ninom wogoppaniyak op aret kwe, wogoppanega'lek kiinok, yokkirage agarik o.

2 Korindut 12:19

Wone yi abok aret yokkirogwe niigak, kit nen, “Pawulut oreewi inom inaana'le mbanggo'net nogwe,” ninombakwi negen kiigirak kwe, nit togop lek o, noreewi. Kit lombok niniki kunik me, kiniki kole eekkinabuwok nduk, Keritut ayeloman logonet, Ala enggaanom paga yokkirogo ogoorik o.

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,