Yaya 7:47 - Ala Wone Peenok Peebi Mbanak

⁴⁷ Yorogo mbareegwa, it Pariti mendek nen, “Kit kunduk kinambokan laganggerak me, yogo ogotik?

Yaya 7:47 ပူးပေါင်းရင်းမြစ်များ

2 Endagembogut 18:29

At aap endagembogut ti nen ari logonet, Aap Kitikiya ti, an neenggime nen kinagap ndarigin meek kagak, Eerigin aret, mba'nuk, yokkirage ti, kinambokan lagangge me, oone konenggwi,

2 Endagembogut 18:32

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, eyo tayitun amburu ambik menggim inom, nggiin amburu lombok menggim inom, piya naminggirak nonggo logonet, kangga'lek ineenik aret logogun, yegerak me, at aap Kitikiya nen yokkirage nogo, konenggo logorak mage o. At Kitikiya nen kiniki nomongginake logonet, Aliku ALA nen ninagap ndarigin o, yokkirage nogo kinaruk koneniyak mondok mage o.

2 Mbinineegwaarak 32:15

Togop me, at Kitikiya nen inambokan lagangge, iniki nomoninake, eeke kero, wone yorage ti, abet mbarugwaarik o. An inom, nogobamini inom, nineenggime ogwe niyo, yi aakumi ndi aakumi inagugi ilik, aap ambi abu'me piinok menggerak a, non mbambinaniyak meek me, it kunduk, an neenggime age neyo, inogoba Ala nen an non mbambaniyak meek aret o,” yinuk, wone eerogo nappiya wagagerak.

Matiyut 15:3

Yogo mbareegwa, Yetut nen, “Ndi, kit togon nonggop nduk Ala nen, Yogop ee'nu, ndogop ee'nu, yereegerak wone nogo taganogo mbo punuk, kinombomini eeko nogogwaarak wandek nogo eeko monggotak?

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Yaya 7:12

It aakumi ambik lakome wogogwaarak nogo nen yagap wone paga Yetut abok ambik mbanggo logonet, ando nen, “At aap obeelom aret o,” yogwe, ndi, ando nen, “Lek o. At nen aakumi nomoninake menggerak aret o,” yogwe, eeko nogogwaarak kwe,

2 Korindut 6:8

tiyappinanugwi, tebembinanugwi, ninabok mbanggwi, ninayuk wukwi, abet kenok mban yorogo monggoorak kwe, pilit ninoba pinanugwi,