Yaya 7:32 - Ala Wone Peenok Peebi Mbanak

³² Aakumi kuwak aago nen yagap wone paga Yetut abok mbanggwi it Pariti mendek konenggo nogogwaarik, it inom, it aap Ala unde inoweewi inom, nen Yetut pigaawok nduk, inawuri Ala awi wurik arum waka nogo nappiyareegwaarak.

Yaya 7:32 ပူးပေါင်းရင်းမြစ်များ

Matiyut 12:14

Obeelom age mbareegi, it Pariti mendek nogo nen wundi nogo nogogwaarik, “Nonggop eerogo waruwok o?” yinuk, wone mbaneegwaarak.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Matiyut 26:58

Nogwe iigak, at Peterut nogo inambo'me yanabek at Ala unde inowe nggwok nogo awoore'nggam panggo yi nage nagagerik, unggwi na'nuk, “Nonggop eeppugwi iyaamun?” yinuk, at Ala unde inowe nggwok nogo awuri inenggela'me inom aret kwi'nagagerak.

Yaya 11:46

Ndi, it ando nen perak, Pariti mendek iya nogo nogogwaarik, Yetut eekerak nogo, mbininogo yorogo mbareegwa,

Yaya 12:19

Ka wunggo mbareegwa, it Pariti mendek nen it-it wone mbanggo logonet, “Wologo wae! Yi aakumi ndi aakumi abok aret at mugurok nogwe me, nit ambi at eeppurak kenok, abe ariyak lek yi kogo ogotik?” yinuk, yogogwaarak.

Yaya 18:3

Eenu wonagagerak me, it aap Ala unde inoweewi inom, aap Pariti mendek inom, nogo nen aap yigin unde ambi aago inom, aap Ala awi wurik arum waka inom, nappiigo mbareegwa, yigin-wooluwak waganggwi, nggawi wa'na wuninik waganggwi, ndi wuninik waganggwi, eeko mbareegwa, Yurat nen wogoren eyo yarak me nogome aret nagagerak.

Yaya 7:30

Yoragagerak ti paga at pigaawok nduk, eereegwaarak kwe, at wariyak eyom koonak nogo awo panggoni waga'lek me, ineenggi abu pigoolik o.

Nappiigak 5:26

Yorage mbareegi, aap Ala awi wurik inarum menggaarak inowe awuri inom nen it nappiigak nogo wogonabi nogo nogogwaarik, “Aakumi nogo nen yugum paga ninookwi iyo,” nduk, inagabiti nen inoorulik enaani aret wogoren wogogwaarak.

1 Tamuwen 19:20

Yogo mbareegwa, at Tawun nen Ndawut pigoorak nduk, aap nappiya wagagerak kwe, aap Ala nen yorage kagak yoraga mendek time kuwak eeppiinok, at Tamuwen nen inowe a'nuk, Ala wone yorage inigen kogo mbareegwa, at Tawun awuri nappiya wagagerak nogo Ala Aberiniki inoba age mbareegi, it kunduk, Ala nen yorage kagak yoraga negen a'nuk, inom aret yogo nogogwaarak.