Yaya 7:30 - Ala Wone Peenok Peebi Mbanak

³⁰ Yoragagerak ti paga at pigaawok nduk, eereegwaarak kwe, at wariyak eyom koonak nogo awo panggoni waga'lek me, ineenggi abu pigoolik o.

Yaya 7:30 ပူးပေါင်းရင်းမြစ်များ

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Matiyut 12:14

Obeelom age mbareegi, it Pariti mendek nogo nen wundi nogo nogogwaarik, “Nonggop eerogo waruwok o?” yinuk, wone mbaneegwaarak.

Matiyut 21:46

pigaawok nduk, eereegwaarak mendek, aakumi ambik nen, “Aap yi, Ala nen yoge kagak yo'niraga nogo mendek at aret kogo o,” yinuk, yogwe me, inagabiti nen puk ogogwaarak.

Marakut 11:18

Yorage mbareegi, it Ala unde inoweewi inom, it Ala wone liiru mbanak unde inom, nogo nen wone yoragagerak nogo inaruk konenggo nogogwaarik, “Nonggop eerogo waruwok o?” yinuk, abok mbaneegwaarak kwe, it aakumi abok kuwak aago nogo, wone mamunirage paga pi wako mbareegwa, at pigoorak inagabiti nen puk ogogwaarak.

Lukat 20:19

It Ala wone liiru mbanak unde inom, it aap Ala unde inoweewi inom, nen, “Wone eegu laarogo yegerak ti, nit niinok yigi o,” yinuk, yelok kogo nogogwaarik, ne ti eyom lombok Yetut pigaawok nduk, eereegwaarak kwe, aakumi inagabiti nen puk ogogwaarak.

Lukat 22:53

Ko'lu-kii'me Ala awi wurik me ninom neegak, pi'nabulik kwe, at o yumaak unde menggerak nogo kinom ee'naburak eyom yogondak yi aret me, ee'nip o,” yinuk, yoragagerak.

Yaya 10:31

Yorage mbareegi, it Yakuri mendek nen Yetut ambinom waruwok nduk yugum waganeegwaarak.

Yaya 10:39

Yorage mbareegi, at ambinom pigaawok nduk eereegwaarak kwe, ineenggi me nen peranogo piinok, mbaganeegerak.

Yaya 7:19

Ala wone yugu nogo at Muta nen liiru mbanggiragagerak nogo lek a? Mbanggiragagerak aret kwe, wone eebe nogo kit abok aret eeka'lek logonet, nonggop nduk an nooriyak nduk eeko ogotik?”

Yaya 7:32

Aakumi kuwak aago nen yagap wone paga Yetut abok mbanggwi it Pariti mendek konenggo nogogwaarik, it inom, it aap Ala unde inoweewi inom, nen Yetut pigaawok nduk, inawuri Ala awi wurik arum waka nogo nappiyareegwaarak.

Yaya 7:6

Yogo mbareegwa, Yetut nen, it yorage logonet, “Kit eeriyak ti, yiyom-ndiyom ugun eeriyak op mban aret kwe, an eeriyak eyom koonak nogo perak, awo panggoni waga'lek o.

Yaya 7:8

An eeriyak eyom koonak nogo ti, awo panggoni waga'lek me, laago lakome time nagin lek o. Kit kinalik mban nanip o,” yinuk, yoragagerak.

Yaya 8:20

Ti yoragagerak nogo ti, Ala awi wurik me wu pogo menggam koorok time logonet, mamunirage nagagerak kwe, at wariyak eyom awo panggoni waga'lek me, Yetut pigagangga'lek aret wonogogwaarak.

Yaya 8:37

Kit Abarakam ombowologwe, an neenu aret kwe, an noone kinikime wagangga'lek me, an mondok nooriyak nduk eekwi kiigi o.

Yaya 8:59

Yoragagerak ti paga it yugum waganogo Yetut waruwok nduk eereegwaarak mendek at Yetut nogo, Ala awi wurik me nen wundi nanuk eenggi-iyok lek aret lek agagerak.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.