Yaya 7:29 - Ala Wone Peenok Peebi Mbanak

²⁹ an nogo, at nappani wagagerak wonage me nen wagagirak me, an perak, at eebe an neenu aret o.”

Yaya 7:29 ပူးပေါင်းရင်းမြစ်များ

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 10:15

ndi, an nen at neenu minggirak nogo ndak-ndak, an togop aret nandomba neenu, ndi, it nen an ineenu aret monggoorak o. Togop logonet, an nandomba inake kambikit mbake minggirak.

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 17:18

Kat nen aakumi o nggween paga yime menggaarak inowagam nappani wagagindak nogo pogom, it kapuri yi, togop aret aakumi o nggween paga yime menggaarak inowagam nappiigirak o.

Yaya 6:46

Wone yokkirage yi nogo ti, it aap nen ninogoba Ala eebe inigen kogogwaarak me nduk yokkirage lek o. Ata, an Ala wonage me nen wagagirak nalik mban nenegen kagagirak.

Yaya 8:55

Kit at eebe kineenggo'lek kwe, an perak, at eebe neenu aret o. At eebe an neenggo'lek yenetak en, kit pilit pugunggo monggop kwak, an togop aret pilit puguninetak o. At eebe neenu me, at oone an eeke minggirak aret o.

1 Yaya 1:2

Ndi, eebe nineenggi pigaganeegurak nogo kin age mbareegi, ninigen kogogurak nogo aret paganogo yokkirogwe, ndi, nit mondok-mondok nineenik logowok nduk, ee'ninake menggerak ninogoba imbirak wonagagerak eebe nineenu aruwok nduk, kin agagerak nogo, “Yi aret o,” yinuk, yokkirogwe, eeko ogoorik o.

1 Yaya 4:14

Ndi, ninogoba nen yi aakumi ndi aakumi abok aret inagap ndaruwak nduk, at aput nappi wagagerak nogo ninigen kogo nogogurik, paganogo yokkirogo monggoorak.

1 Yaya 4:9

Nit nineenik logowok nduk, Ala nen at aput ambolom nggween paga nappi wagagerak ti paga, Ala abet aret ninabuwa mbake logonet, iniki kunik ee'ninake menggerak nogo ti, yelok kogo ogoorik o.