Yaya 7:14 - Ala Wone Peenok Peebi Mbanak

¹⁴ Laago ne oolo lakwi paga Yetut nogo Ala awi wurik me unggwi nage nagagerik, wone mamuniragagerak.

Yaya 7:14 ပူးပေါင်းရင်းမြစ်များ

Maleyaki 3:1

At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.

Linggineegwaarak 29:17

Nogo ambi yinuk, ko'lu lariyak ake ti, tapi ngguunok awoologwe ineebe 12 inom, ndomba ngguunok mbere inom, ndomba ngguunok awoologwe ineebe 14 ndarak iigak tahun ambiret eerak inom, ti abok aret inawinde-inobaande eerak lek kenok mban pi wogo logowak o.

Linggineegwaarak 29:20

Nogo mbere yinuk, ko'lu lariyak ake ti, tapi ngguunok ineebe 11 inom, ndomba ngguunok mbere inom, ndomba ngguunok awoologwe ineebe 14 ndarak iigak tahun ambiret eerak inom, it abok aret inawinde-inobaande eerak lek kenok mban pi wogo logowak o.

Matiyut 21:12

At Yetut nogo nen Ala awi wurik me unggwage nagagerik, it Ala awi wurik me time at ambi ageerok at ambi onggo kunggolagak eekwi nogo mugogo wumbiige, it wu onggo-onggo eeko menggaarak inageyo ndoonak inom, it towe puume onggo mbanggo menggaarak inageyo kwi'ndak menggaarak inom, a'nggan nggininogo wuppege, eeke nagagerik,

Matiyut 26:55

Yoge nagagerik, ne ti paga at Yetut nen it aap wogogwaarak nogo yorage logonet, “Aap yogoot wagangga piginabi nogo mengga kwak, an togop aret pi'nabuwok nduk, tege wooluwak inom, yawi mbanak inom, wonok wogotak ya? Ko'lu-kii'me Ala awi wurik me mamunggirage neegak, pi'naka'lek wonogotak kwe,

Lukat 19:47

Yetut ko'lu-kii'me Ala awi wurik me wone mamunirage nagagerak. Mamunirage nagagerak kwe, it Ala unde inoweewi inom, it Ala wone liiru mbanak unde inom, it aakumi inoweewi inom, at Yetut wariyak nduk, eereegwaarak kwe,

Yaya 18:20

Kin wokkage mbareegi, at Yetut nen, “It aakumi o nggween paga yime menggaarak nogo wone mamuninake logonet, kote mamuninake logolik o. Ata, tena'me mban yorage nagarak o. It Yakuri tamban eeko menggam inom, Ala awi wurik me inom, it aakumi Yakuri mendek komaako menggam abok aret mamuninake nagarak kwe,

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Yaya 7:2

Nagagerak wonage me, it Yakuri inawooliya wurit wogogwaarak aberogo laago lariyak eyom panggoni wage mbareegi,

Yaya 7:28

Yogo mbareegwa, at Yetut Ala awi wurik me nogome nen oone nggwok paga yorage logonet, “An neebe inom, ndi, an ngga nen wagagirak nogo inom, kit abu kineenu aret o. An niniki mba'nuk woroolik o. Ata, at abet aret menggerak nogo nen an nappani wagagerak. Ndi, at kineenggo'lek aret kwe,

Yaya 7:37

Ti'nuk, age yobok togon laago nggwok lombok lakwi paga at Yetut mi'nage nagagerik, oone nggwok paga yorage logonet, “Wologo wae! Kit ambi niyo abu kenok, an nowagam na woraanip o.

Yaya 8:2

Ti'nuk, ko'lu kuubondendok iyok paga wambi wage nagagerik, Ala awi wurik me unggwi wage nagagerik, wonage me, aakumi apit at owagam wogo mbareegwa, kwi'na'nuk, wone mamunirage nagagerak.

Yaya 8:20

Ti yoragagerak nogo ti, Ala awi wurik me wu pogo menggam koorok time logonet, mamunirage nagagerak kwe, at wariyak eyom awo panggoni waga'lek me, Yetut pigagangga'lek aret wonogogwaarak.