Yaya 6:2 - Ala Wone Peenok Peebi Mbanak

² Enebaga wunda nage kagak, it aakumi ambik at Yetut ineenu ariyak inagabiti warak mendek eeke logonet, kugi andi obeelom eeginabit nage inigen kogo nogogwaarak me, Yetut mugurok nogogwaarak.

Yaya 6:2 ပူးပေါင်းရင်းမြစ်များ

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 13:2

Kwi'nagagerak wonage me, yi aakumi ndi aakumi ambik aago at owagam kuwak ari wogogwaarak me, yiiro paga unggunuk, kwi'nage nagagerik, it aakumi kuwak aago nogo yi aa'nggi paga taati iigak,

Matiyut 14:14

at Yetut yiiro paga nen wundi nage logonet, aakumi ambik kuwak aago enegen iige nagagerik, inabuwa lombok mbake logonet, it kugi andi warak inenggela'me nogogwaarak nogo obeelom eeginabeegerak.

Matiyut 8:1

At Yetut puurom paga nen wambi wage mbareegi, it aakumi ambik at mugurok wogwe iigak,

Marakut 1:45

Aruk warogo nappereegerak kwe, oome nogome nen wungge nagagerik, at eeppereegerak wone nogo abok aret yi awi ndi awi paganogo yoranet nege nagagerak. Yoranet nege nagagerak ti paga at Yetut nogo aakumi inenggaanom tena'me nege logorak meek age mbareegi, aakumi ineebe lek me time aret wonage me, aakumi yi awi ndi awi nen at owagam kuwak ari wagak mban eeko nogogwaarak.

Marakut 6:33

Yetut oreewi inom nogwe nogo aakumi ambik iigo nogogwaarik, o kota lombok nen it noorak mbareegwam nogome nogwe yelok iigo nogogwaarik, tu nggween paga inaru nggaruk pegak inaa'nduk time aret enaa'nari nogogwaarak.

Yaya 11:47

it aap Ala unde inoweewi inom, it aap Pariti mendek inom, nen aap wone amburu mbangga nogo kuwak eeppiigo nogogwaarik, yorogo logonet, “Aap ti, ineenu agak inagabiti warak mendek apit aret eerit nage menggerak me, nit nonggop eerumun o?

Yaya 12:18

Paganogo yoranet nogo mbareegwa, ineenu ariyak inagabiti warak mendek at eereegerak ti, it aakumi apit konenggo nogogwaarik, at Yetut ka wundeegwaarak.

Yaya 12:37

Aakumi ineenu ariyak inagabiti warak mendek abok aret it inenggaanom eeke nagagerak kwe, iniki at oba panggombunuk, abet mbaka'lek aret wonogogwaarak.

Yaya 2:11

At Yetut nen ineenu ariyak inagabiti warak mendek aa'nduk lombok eereegerak nogo ti, o Nggalileya yaga'lelo Kana nogome logonet, eereegerak ti aret. Time logonet, at tiyanak menggerak nogo abok paganeegerak me, at oone waganggwi nogo iniki at oba panggombunuk, abet mbareegwaarak.

Yaya 2:23

At Yetut o Yerutalem laago Obaga Mbo Nagagerak lakome nogome logonet, ineenu ariyak inagabiti warak mendek eerit nege nogo aakumi apit aret inigen kogo nogogwaarik, iniki at oba panggombunuk, abet mbareegwaarak.

Yaya 20:30

Yetut nen at oone waganggwi mendek inenggaanom ineenu ariyak inagabiti warak mendek ando apit aret eeke nagagerak kwe, mbuku yi paga liiru mbanak lek o.

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

Yaya 6:14

Yonggologo pogo mbareegwa, aakumi nen ineenu ariyak inagabiti warak mendek eereegerak ti, inigen kogo nogogwaarik at yogo logonet, “At Ala nen yoge kagak yoraga o nggween paga yime woroorak nogo, yi aret wagaarak kogo o.”

Yaya 6:22

Ko'lu o weege mbareegi, it aakumi ambik yi yenggenak enebaga awo wonogwe nogo nen kii'me yiiro ambiret mban wonage, ndi, Yetut at oone waganggwi yiiro nogo paga inom noolik inalik mban nogwe, eekwi iyareegwaarak me, yi aa'nggi paga taati aret awo wonogo logonet,

Yaya 6:26

Yogo mbareegwa, at Yetut nen, “Kineenu ariyak kinagabiti warak mendek eeke neegotak paga kwaa'nabit woroolik. Ata, kit mbi ndonggorogon nonggotak nogo paga kwaa'nabit wogotak kiigi o, yinuk, abet aret yokkirage agarik o.

Yaya 6:30

Yorage mbareegi, it nen at yogo logonet, “Eeke ninigen keenok, niniki koba panggombunuk, abet kombaruwok nduk, nineenu ariyak ninagabiti warak mendek ambi nano eeke keyaawi? Ndi, kat eeke menggendak nogo ambi ngge eerumunggun o?