Yaya 5:40 - Ala Wone Peenok Peebi Mbanak

⁴⁰ kit kineenik eekkinabikit nduk, an nowagam woroorak op aret kwe, nineebi mbako monggotak nogo o.

Yaya 5:40 ပူးပေါင်းရင်းမြစ်များ

Yaya 3:19

Ala nen inowak loonogo maluk onggo inoba piyoorak alom nogo yi aret. At eya eeginake menggerak nogo o nggween paga yime muk wambi wagagerak kwe, it aakumi ti, maluk mban eeko menggaarak me, At eya nogo ti, nineebi o, mba'nuk, o apit mban inikilom mbako menggaarak.

Yaya 1:11

At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Yaya 6:37

It an nogoba nen wo'nege nogo abok aret an neya woraagun o. Ndi, it aap an neya wogwe nogo ti, mbo piyaagin mondok lek o.

Matiyut 23:37

Wone ambinom yorage logonet, “Kat kota Yerutalem ao! Kota Yerutalem ao! Kat nen it Ala yorage kagak yokkiraga nogo inooke, it aap Ala nen yonggo nappiya wage kenok, yugum paga toguurit-tagaarit eerogo inooke, eeke menggendak me, ao. An ta, towe ayam iyagalo nen oo'nuwe a'naabit abu'me tebembiirogo menggi kwak, kaagalogwe kuwak eeppiyaakit lak ao, mbakitak kwe, Neebi, ari menggendak nogo o.

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Ndawi 81:11

Kit an napuri noone kinaruk konenggwi, Kit Iterali an noone liirogon waganggwi, Eeriyak, Nineebi o, Yinuk, yogo mbareegup,

Yaya 5:44

Wologo wae! It kinoreewi nen tiyappinagagwi iinok ti, kinikilom mbako monggotak kwe, Ala alik mban menggerak nen tiyappinaniyak ao, mbakwi lek me, kit nonggop togon kiniki noba panggombunuk, abet nombarumunggup?

Matiyut 22:3

Larak nogo pelaarogo punuk, it laago noorak yoragagerak nogo, na woraawak nduk, ayeloman mini nappiyareegerak kwe, it nen, Nineebi o, yinuk, puk ogogwaarak.

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Yaya 5:41

Aakumi nen an tiyappaniyak ti, mbakeelik o.

Yaya 10:10

It aap kiraaka nogo nen ndomba kiraakkologwe, inookwi, lek eerogo piigwi, eeruwok nduk, wogo menggaarak kwe, an perak, ineenik eeginabikit nduk, wagagirak o. Ineenik eeppiyaminggirak logonet, iniki ale'nggen mondok alik negen kaawak nduk wagagirak.