Yaya 5:4 - Ala Wone Peenok Peebi Mbanak

⁴ Ne ambi paga Ala yonggo nappiya wage menggerak malayikat ambi nen niyo Mbetetera yenggenak nogome wambi woraanuk, niyo abolok eeke kenok, aap andi ambi aa'nduk niyome unggwage kenok, at andi nogo lek aret age nagagerak.)

Yaya 5:4 ပူးပေါင်းရင်းမြစ်များ

2 Endagembogut 5:10

Puk ari wagagerak wonage me, at Elita nen wone yori nawak nduk, awot ambi yoge logonet, “Aap Naman niyo Yoraran paga nage logomenggerik, ngguu'mo ne 7 kuli wake kenok, awin ti lek aret age logonet, agabolo wonage menggi kwak arigin, yegerak, yori nak o.”

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Kini Wuppiige 6:4

Kenegen kubumbunuk nogo yege, nogo lomok ari, Eeka'lek

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetikiyen 47:8

Kage mbareegi, at nen an yo'nege logonet, “Niyo yi, o oonegen lagi wage menggim pa'nggwe nage me, o Yoraran kobappaga nanuk, niyo kole yenggenak Mayu Ale Menggim kuni nage kenok, niyo ale nogo obeelom eerogo pigin o.

Oteya 13:13

Kwe elege ndarikit nduk yagan warogo ndake menggi kwak, at Eparayim nogo nda'nage logonet, andi kage kwe, Wulaga ti, iniki lek yuundurak aret me, at nda'nariyak eyom panggoni wagaarak kwe, Wundi wogo menggam ambe paga ari waga'lek aret agaarik o.

Takariya 13:1

At Omaawi Lombok Menggerak Aliku ALA nen ari logonet, “Ne ti paga it aap Ndawut paga wiganak inom, it o Yerutalem wonogwe inom, nen maluk eekwi, an mbo paninuk alik mugurok nogwe, eeko nogogwaarak nogo, mili kookwi kwak, lek eerogo pogo logowak nduk, it inake niyo eneeri ambi warak eerogo pigin o.

Takariya 14:8

Ne ti paga niyo ineenik aganake logorak o Yerutalem paga nen wungge logomenggerik, mogonogo ando oonegen lagi wage menggim pa'nggwe laut paga kuni nage, ando oonegen kilu yi nage menggim pa'nggwe laut paga kuni nage, eeke kagak, o kibi age, o mayu wage, eeke logogin o.

Matiyut 11:12

At Yiime Wuppiiga Yaya nogo nen wone yokkirage nagagerak eyom paga nen nok, yogondak kuli, at mbogut paga mendek abu'me piige menggim tebenogo pugwi, ndi, aakumi inoone omaawi paga nen unde eekkolaawok nduk, wakkogwe, eeko menggaarak o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Lukat 13:24

Yoge mbareegi, Yetut nen, it yorage logonet, “Tu mbuuluk paga unggwi noorak nduk, lin wako logonip o. It aakumi apit aret unggwi noorak nduk, eeremenggaarak kwe, meek tit kaagun o, yinuk, yokkege agarik o.

Lukat 16:16

Aap Yaya waga'lek kagak, Ala wone yugu liiru mbanak nogo inom, it aap Ala nen yorage kagak yorogo nogogwaarak inoone nogo inom, eerit nogo nogogwaarak. Ndi, aap Yaya wagagerak kuli paga perak, Ala abu'me piyoorak wone obeelom wone yoranet nugwi me, it aap abok aret lin wako logonet, Ala abu'me piige menggim unggwi wogo agaarik.

Yaya 5:3

Aakumi ambik kugi andi wonogogwaarak nogo ti, inigen mbuk inom, inendop maluk inom, ineenggi-iniyok nggilik-nggelok aago inom, time mban yindak-wi'ndak aago wonogogwaarak. (

Yaya 5:5

Togop eeko nogogwaarak me, aap ambi andi kagak tahun 38 eereegerak nogo inom time aret windak wonagagerak.

Yaya 5:7

Yoge mbareegi, aap andi warak nogo nen, “Ai, nogoba! Yi abolok eeke kenok, an wo'neren yiime wuppani noorak noreewi ambi lek me, an awo wambi nage neegak, it ando mban peleppanegak wanggo menggaarak o, obak!”

1 Korindut 6:11

Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.