Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaya 5:3 - Ala Wone Peenok Peebi Mbanak

3 Aakumi ambik kugi andi wonogogwaarak nogo ti, inigen mbuk inom, inendop maluk inom, ineenggi-iniyok nggilik-nggelok aago inom, time mban yindak-wi'ndak aago wonogogwaarak. (

အခန်းကိုကြည့်ပါ။ ကော်ပီ




Yaya 5:3
12 ပူးပေါင်းရင်းမြစ်များ  

Aap Ala wone liirogon eeka nen warogo kani kunggak ogobakkigirik o Mbeten yoge nogo, aap endagembogut Yerobeyam aruk konengge nagagerik, warogo kani kunggak eenggi pippunuk wonagagerak nogo, yungguk togon aap nogo titik ege logonet, “Aap ti pigaanip o,” ari kagak, eenggi titik ari nogo mbuuluk arit unggwage logonet, mbaro-mbaro eerogo pereegerak me, yunggukkoorak mondok meek aret agagerak.


Aap ambi an noone konenikit nduk eeke logonet, Name nen wundi nage neyo, ko'lu-kii'me to'nake, Naru ngga'nggi paga narum wonage, Eeke kenok ti, Iniki ale'nggen aret logogin o.


“Aliku ALA nen aret yeenggwa niraawak o,” yinuk, Iniki nu'lek kwi'ndak logonet at tokkogwe nogo ti, obeelom lombok aret o.


Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.


Kwi'nagagerak wonage me, it aakumi ambik nen Yetut owagam wogo nogogwaarik, inendop maluk mendek inom, inigen mbuk mendek inom, ineenggi-iniyok nggilik-nggelok aago mendek inom, inoone lek mendek inom, ando kugi andi alik mendek eeginabeegerak nogo inom, wogoret, Yetut abu'me piigo mbareegwa, at nen obeelom eeginabeegerak.


Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.


Nogogwaarak nogo nen wone nogo Yetut yogo mbareegwa, at Yetut nen, “Eeke kinigen kogotak inom, agan nugwi kinaruk konenggotak inom, ti, kiniyokan Yaya yori nanip o. Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, aap inamendek lek nogo obeelom wone yorage, eeke nogo yori nanip o.


O Yerutalem tu endage Ndomba Wogoret Unggwogo Menggam taati niyo ambi yenggenak wonagagerak. Niyo yenggenak ti, Iberani wone paga Mbetetera, yogo nogogwaarak. Niyo yenggenak nogo aa'nggi paga yengget-wangget o 5 wurik me tigitogon awe aago mban wonagagerak.


Ne ambi paga Ala yonggo nappiya wage menggerak malayikat ambi nen niyo Mbetetera yenggenak nogome wambi woraanuk, niyo abolok eeke kenok, aap andi ambi aa'nduk niyome unggwage kenok, at andi nogo lek aret age nagagerak.)


Nit ninigen kaga'lek mendek kaawok nduk, niniki lunik wonogwe kenok, niniki mondok kwippunuk, tokkogo monggoorak.


Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ