Yaya 4:6 - Ala Wone Peenok Peebi Mbanak

⁶ Niyo tookak yuurak nduk, aap Yakup nggween kabuneegim o time aret wonagagerak me, at Yetut nage logonet, o liingge oonegen 12 negen age kagak, owak lek age mbareegi, niyo tooko menggam taati aret kwi'nari nagagerak.

Yaya 4:6 ပူးပေါင်းရင်းမြစ်များ

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Matiyut 4:2

Nagagerak wonage logonet, nogo 40 yege kagak, liingge-kii'me mbi nengga'lek wonagagerak me, mbi abu eereegerak.

Matiyut 8:24

abera'lek me o wiya nggwok yi yenggenak paga nabuninuk warit wage logonet, yi nogo kilaarak-mogonik eerogo yiiro nogo taaniyak eeke kagak, at Yetut nogo, nogo yege wonagagerak.

Lukat 2:7

aagaluk manggu aap aret ndareegerak. Ndake nagagerik, o aakumi nogo yugu menggam yagabit age mbareegi, elege nogo yum perenogo kambin-ndomba iname iri'ngga nonggo menggam nogome wimbereegerak.

Lukat 9:58

Yoge mbareegi, at Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Yaya 11:9

Yogo mbareegwa, at Yetut nen, “Wologwe! O ne ambit weegetak paga, oonegen lagi woraanuk, kilu yi nage kagak oonegen 12 ari nage menggerak nogo lek a? Ndi, ti kenok, it aap o liingge paga nogwe iinok, o eya paga nogo menggaarak me, iniyogobit lik togon egiraagin lek o.

Yaya 4:12

Niyo tookkolagak, yuurak nduk ninogoba Yakup nggween kabunogo pinaneegerak yi, at inom, at apuri inom, at aanggumi inom, nonggo nogogwaarak kwe, at meek, ndi, kat iya me nduk yagan ya?”

Yaya 4:5

nage logonet, aap Yakup nen at aput Yutup nggween wogoreegim koorok kagak, o Tamariya kota ambi endage Tikat aret panggo yi nagagerak.

Yaya 4:7

Time wonage me, at Yetut oone waganggwi mendek nogo mbi onggo kunuwok nduk,

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,