Yaya 4:53 - Ala Wone Peenok Peebi Mbanak

⁵³ Yogo mbareegwa, wulaga ogoba nogo nen, “Kobit liingge at Yetut nen, Kapuluk eenik arigin o, yo'negerak nogo ndak-ndak liingge aret eenik agaarak kagi,” yinuk, abeke nagagerik, at inom, at apuri inom, abok aret iniki Yetut oba panggombunuk, abet mbareegwaarak.

Yaya 4:53 ပူးပေါင်းရင်းမြစ်များ

Ndawi 107:20

At oone yoraawak nduk nappiyareegerak yorogwe iigak, Ineebe andi obeelom aganake, Mbuun ambena nen wumbiya wage, Eereegerak.

Matiyut 8:13

Yorage nagagerik, Yetut nen aap yigin unde inowe nogo yoge logonet, “At nen, Ndogop eerigin o, yinuk, abet nombakendak nogo ndak-ndak eeppagagin me, kame nak o,” yoge mbareegi, ayeloman nogo ne ti eyom paga aret obeelom agagerak.

Lukat 19:9

Yoge mbareegi, at Yetut nen, “Kat kunduk Abarakam ombooluk aret me, kat kapuri kinom yogondak aret kinagap ndakkologop o.

Yaya 4:51

Awo tu paga nage me, at ayeloman mini yoruwok nduk wogo mbareegwa, inom lambumbunuk, “Kapuluk nogo muk eenik agaarak o,” yinuk, yoreegwaarak.

Yaya 4:52

Yogo mbareegwa, at nen, “Oonegen ngga ari nage kagak, eenik agaarak o?” Yorage mbareegi, it nen, “Kobit liingge oonegen 1 paga aret inikime kani pereegerak nogo lek agaarak o.”

Nappiigak 11:14

kat kaakkapuri kinom kinagap ndaruwak nduk, wone yokkira woraagin o, yinuk, yogerak wone nogo an yo'negerak.

Nappiigak 16:15

Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Nappiigak 16:34

Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Nappiigak 18:8

It Yakuri tamban eeko menggam unde menggerak Keriput nogo inom, at aaganapuri inom, iniki ninogoba Yetut oba panggombunuk abet mbareegwaarak. Ndi, it Korindut mendek ambik at Pawulut nen yoragagerak nogo konembunuk, abet mbako mbareegwa, yiime wuppiyareegerak.

Nappiigak 2:39

Ala nen, Wokkiraagin o, yinuk, abok yokkiragagerak nogo ti, kit inom, kit kinapurilogwe inom, it aap nda menggaarak inom, peebi ninogoba Ala nen wiigiraagin nogo abok kinake aret yokkiragagerak o,” yinuk, yoragagerak.