Yaya 4:40 - Ala Wone Peenok Peebi Mbanak

⁴⁰ It iniki Yetut oba panggombunuk, abet mbareegwaarak me, aakumi Tamariya mendek nen Yetut owagam wogo nogogwaarik, “Ninom logowok o,” yinuk, yogo mbareegwa, at Yetut ne mbere paga inom aret wonagagerak.

Yaya 4:40 ပူးပေါင်းရင်းမြစ်များ

Wakkagagerak 32:26

Worok yege mbareegi, aap nogo nen ari logonet, “O muk aret kilim nagakerak me, naakit nduk, keenggi teppanu o.” Yoreegerak kwe, at Yakup nen, “Kale'nggen noba panega'lek me, teppagagin lek o.”

Kini Wuppiige 4:13

An wone mamunggege yi, mbo puurak mage o. Ata, nggirik-nggerok porogo wonage, Wone yi eeke paga keenik logorak me, liirogon unde wake, Eeke logot o.

Ndawi Iya 3:4

Logonuk lek aret it mbo piinok, at niniki kunik eeke nogo kwaakkage nagarik, eebe pippunuk, At mbo pega'lek wonok nugwa nagalo ame nanuk, At nda'nake nagagim o ko ogoorak me unggwi nagarak o.

Yeremiya 14:8

It Iterali Iniki Lunik wonogwe kat yi wae. Aaninggin inoba age kenok, Inagap Ndaka yi wae. O yime aap nggiru pogom wonogwe, Tu paga nogo ambit yippegak nggarek yogwe, eeko mengga kwak, Kat nonggop nduk togop aret wonage agandik?

Lukat 10:39

Yoge mbareegi, unggwi nagagerak wonage me, kwe Marata awuluk endage Mariya nogo, Yetut abu'me kwi'ndak logonet, oone konengge kagak kwe,

Lukat 24:29

tebembunuk, yogo logonet, “Oonegen abu kilu yi nagaarak o kiip age me, ninom aret logowok o,” yogo mbareegwa, inom logowok nduk, iname aret unggwi nagagerak.

Lukat 8:38

Nage me, at aap kugi inikime wundi nagagerak nogo nen, “Nimbirak nawok o,” yinuk, oone nabek togon Yetut yoreegerak kwe, Yetut nen at ame nappege logonet,

Yaya 4:39

Ndi, at kwe nogo, “An yi eekak ndi eekak eeke nagagirak abok aret aap ti nen nabok paganogo yo'negerak o,” yinuk, yoranet nege paga aakumi Tamariya mendek ambik o kota time nen iniki Yetut oba panggombunuk, abet mbareegwaarak.

Yaya 4:41

Inom logonet, wone yoragagerak paga aakumi ambik iniki at oba panggombunuk, abet mbareegwaarak.

Yaya 4:43

“It aap Ala nen yorage kagak yoraga nogo, inawi alom paga wone yorogwe iinok, tiyappiinok inoone waganggulik o,” yinuk, Yetut lombok nen yereegerak me, at ne mbere iluk inom wonagagerik, time nen o Nggalileya aret nagagerak.

Nappiigak 16:15

Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Nappiigak 8:8

it o kota time mendek nogo iniki ale'nggen ambik mbareegwaarak.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.