Yaya 4:34 - Ala Wone Peenok Peebi Mbanak

³⁴ Yogo mbareegwa, Yetut nen, “At nappani wagagerak nen eeriyak mbake menggerak nogo eeke, ndi, at eeriyak mbake menggerak nogo an nen worok togon eeke, eeriyak ti, an nambi aret o.

Yaya 4:34 ပူးပေါင်းရင်းမြစ်များ

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 3:15

Yoge mbareegi, at Yetut nen, “Nit togop eekwi paga Ala nen obeelom lombok eeko logorak mbareegerak nogo, abok aret a'me lik yuwak nduk, eeriyak me, E, yu o,” yoge mbareegi, “E o,” yereegerak.

Matiyut 9:19

Yoge mbareegi, Yetut mi'na'nuk imbirak nogwe me, at Yetut oone waganggwi mendek mugurok nogogwaarak.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Lukat 2:49

Yoge mbareegi, at nen, “Kit nonggop nduk, an kwaa'nabit wogotak? An nogoba awi wurik me logorak agaarak ti, kit kineenggo'lek me kwaa'nabit wogotak?”

Yaya 17:4

Eeriyak unde eeppaneegindak nogo, abu worok togon eekirak me, ti paga o nggween paga yime kat kendage tiyak yegerak o.

Yaya 19:28

Ti yorage nagagerik, at Yetut nen, “Abok aret eeki,” mbake logonet, Ala wone liiru mbanak nogo a'me lik yuwak nduk, “An yi abu o,” yereegerak.

Yaya 19:30

Ambe me pereegwaarak nogo nengge nagagerik, “Abu eeki o,” yinuk, uut yuwak ari logonet, iniki woronggolage nagagerik, kambeegerak.

Yaya 4:32

Yorit unggwogogwaarak mendek at Yetut nen, “An nambi ti, kit kineenggo'lek mendek nengge agarik o.”

Yaya 5:30

Yetut nen ambinom yorage logonet, “An nalik niniki koombunuk nen ambi eeriyak meek o. Ata, Ala yo'nege konembunuk mban inowak loonogo maluk onggo eeppiige minggirak. An niniki mbake paga eekeelik o. At nappani wagagerak an nogoba iniki mbake nogo mban eeke minggirak me, an aakumi inowak loonogo maluk onggo eeppiige nogo ti, a'me liirogon aret eeppiige minggirak o.

Yaya 5:36

at Yaya nen an nabok paganogo yokkirage ti, meek negen. An abu worok togon eeke logokit nduk, nogoba nen yo'nereegerak eeke minggirak nogo paga nogoba nen nappani wagagerak nabok pagak ari nogo ti, mondok iya lombok aret o.

Yaya 6:33

Mbi Ala nen wokkirage nogo ti, mbogut paga nen wambi wage nagagerik, aakumi nggween paga menggaarak ineenik eeginake menggerak nogo mendek aret o, yinuk, mondok abet aret yokkiragi o.”

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Yaya 8:29

At nappani wagagerak nogo nimbirak aret wonage o. At inikilom mbake nogo mban eeke minggirak me, nalik logokit nduk, at nen mbo panegeelik o,” yinuk, yoragagerak.

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.