Yaya 4:23 - Ala Wone Peenok Peebi Mbanak

²³ It aakumi nen ninogoba abet aret alut eekwi ti, at Aberiniki, Ala ndogop menggerak, yo'nirage nogo nen yorage kagak alut eeko logorak eyom peebi kwe, yogondak muk wagaarak o. At ninogoba Ala nen, It aakumi togop aret nalut ee'nako logowak, mbake menggerak o.

Yaya 4:23 ပူးပေါင်းရင်းမြစ်များ

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 17:1

Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 32:2

It aap inomaluk mbo pereegwaarak nogo Aliku ALA nen eenggi lingginggeelik kenok, Iniki mbere lek ambit eeppunuk wonogwe iige kenok, Inale'nggen aret mbako logowak o.

Ndawi 51:6

Aap iniki ambit mban wonogwe iinok, Kat kinikilom mbake menggendak me, Niniki warak lombok logokit nduk, Liirogon mamunnege logot o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Ndawi Iya 2:14

Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Yetaya 10:20

Ne ti eyom paga it Iterali eegu yumbunik at Yakup paga wiganak inenggela'me nen kole mbaganugun nogo, At aap it tebenogo piiga oba panggonak logogun lek o. Ata, at Kikak Nakeelik Alik Leenak Iterali inogoba Aliku ALA oba mban panggonak logogun o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 58:2

It aakumi ambi mendek nen obeelom mban eerit nugwi, Inogoba Ala kwak nen, Yogop ee'nu ndogop ee'nu, yorage nogo mbo pega'lek aret eerit nugwi, Eeko mengga kwak, Eerit nugwi negen eeppunuk logonet, Ko'lu-kii'me an eeke minggirak ineenu aruwak nduk an kwaa'nabit nugwi, Ninawone amburu liirogon mbambunuk eekoorak onggo ndak-ndak eeppinaniyak o, yinuk, yo'nugwi, Ndi, inikilom negen eeppunuk logonet, nalut eeri unggwogwe, Eeko logonet,

Yeremiya 3:10

An nen Iterali eeppiige abok aret it ugun-ugun eekwi inawuluk Yekura nogo nen inigen iige nagagerik, iyokan neya wagagerak kwe, iniki abe paga woroolik o. Ata, neya wage yuwak wagagerak o,” yinuk, Aliku ALA nen an yo'negerak.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yetikiyen 22:30

An nen o ti lek eerogo pege neyo, yugum yagat obaane'me pak wurogo pege, ndi, wurik eno mbanak me ti paga nen inoori unggwage neyo, o ti ake eno mbanak me arum wake, eeruwak nduk, aap ambi kwaareegirak mendek, eebe lek aret kagagirak o.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 12:23

Yogo mbareegwa, at Yetut nen, “An aap aret nda'nagagirak tiyappaniyak eyom muk panggoni wagaarak o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Yaya 4:21

Yoge mbareegi, at Yetut nen, “Kwe yi wae! Puut yi paga inom, o Yerutalem inom, ninogoba alut eeriyak lek eyom panggoni woraagin, abet aret mbake logot o.

Yaya 5:25

It aap kanggo menggaarak mendek nen Ala aput an noone koneniyak eyom peebi kwe, yogondak muk panggoni wagaarak me, it aakumi nen an noone konenggwi iinok, mondok-mondok ineenik aret logogun o.

Yaya 5:28

Togop me, it aakumi kanggaatak piigo menggam wonogwe nogo abok aret an noone konembunuk, mi'nariyak eyom panggoni woraagin me, wone yokkiragarak yi, Wi! yinuk, pi warugup o. Ti eeri woroorak nogo ti, it obeelom eeko nogogwaarak nogo mondok-mondok ineenik logowak nduk, mippiige, ndi, it maluk eeko nogogwaarak nogo inowak loonogo maluk onggo eeppiyaakit nduk, mippiige, eerigin o,” yinuk, yoragagerak.

Oroma 1:9

An tamban eeke logonet, kinoba mari ageelik kulinik-kalinik kinake tamban eeke minggirak ti, Ala eenu aret o. Niniki-neebe apit nggaruk togon Ala wogo'nuk mugurok nage logonet, obeelom wone at aput eereegerak wone nogo yoranet nage minggirak.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Oroma 8:26

Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Nggalatiya 4:6

Ndi, yogondak kit Ala apuri aret me, Ala nen aput Yetut at Aberiniki nappi wagagerak nogo, kinikime logonet, “Kit kinogoba Ala aret o,” yinuk, ari menggerak.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Tamuwen 12:24

kit nen Aliku ALA kinagabiti mbako logonet, kiniki-kineebe abok aret Aliku ALA wogo'nuk, at mban kulinik-kalinik liirogon mugurok nogwe, ndi, at nen yi eekak ndi eekak kit kinake iya tit eeppinagage nagagerak nogo abekwi, eeko logonip o.