Yaya 4:21 - Ala Wone Peenok Peebi Mbanak

²¹ Yoge mbareegi, at Yetut nen, “Kwe yi wae! Puut yi paga inom, o Yerutalem inom, ninogoba alut eeriyak lek eyom panggoni woraagin, abet aret mbake logot o.

Yaya 4:21 ပူးပေါင်းရင်းမြစ်များ

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.

Yaya 4:23

It aakumi nen ninogoba abet aret alut eekwi ti, at Aberiniki, Ala ndogop menggerak, yo'nirage nogo nen yorage kagak alut eeko logorak eyom peebi kwe, yogondak muk wagaarak o. At ninogoba Ala nen, It aakumi togop aret nalut ee'nako logowak, mbake menggerak o.

Epetut 3:14

Togop me, it aakumi mbogut paga mendek inom, nggween paga mendek inom, ninanebunu lombok abok aret, “Ninogoba Ala o,” yinuk, yogo monggoorak nogo, abu'me tebe yinuk,

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Yaya 5:28

Togop me, it aakumi kanggaatak piigo menggam wonogwe nogo abok aret an noone konembunuk, mi'nariyak eyom panggoni woraagin me, wone yokkiragarak yi, Wi! yinuk, pi warugup o. Ti eeri woroorak nogo ti, it obeelom eeko nogogwaarak nogo mondok-mondok ineenik logowak nduk, mippiige, ndi, it maluk eeko nogogwaarak nogo inowak loonogo maluk onggo eeppiyaakit nduk, mippiige, eerigin o,” yinuk, yoragagerak.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.

Nappiigak 6:14

At aap yi nen ari logonet, Yetut Nataret mendek nogo nen Ala awi wurik yi, minogo pege, ndi, Muta lengganninabeegerak wone ninitok kunik eeko monggoorak nogo lek eerogo pege, eerigin o, yinuk, ari kogoorak o.”

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Yaya 5:25

It aap kanggo menggaarak mendek nen Ala aput an noone koneniyak eyom peebi kwe, yogondak muk panggoni wagaarak me, it aakumi nen an noone konenggwi iinok, mondok-mondok ineenik aret logogun o.

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Yetikiyen 20:3

“Aakumi nen ndarak yi wae. Iterali inoweewi ti, yorage logonet, Aliku Itok Menggerak ALA nen yegerak yoroorak nogo yi aret. An ari neyaawok nduk, wagaarak ya? An ari it ambi kaagun lek aret o, yinuk, neenik Naliku Nitok Minggirak an ALA nen aret yagi o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Wayu 21:22

at Omaawi Lombok Menggerak ninogoba Ala inom, at Ndomba Aagaluk inom, Ala awi wurik negen ineebe inenggela'me inom aret wonogwe me, it aakumi Ala ninom wonage mbaruwak nduk, awi wurik nogo lek aret kagarak.