Yaya 4:20 - Ala Wone Peenok Peebi Mbanak

²⁰ Ninombomini puurom yi paga Ala alut eeko nogogwaarak kwe, kit Yakuri mendek nen, O Yerutalem mban Ala alut eeko logorak, yogo monggotak nogo o.”

Yaya 4:20 ပူးပေါင်းရင်းမြစ်များ

1 Endagembogut 9:3

yoge logonet, “Kat tamban eeke logonet, nggino yo'negendak nogo, an muk naruk konenggirak me, nendage mondok-mondok ki logorak nawi wukendak yi, nake leenogo pakirak o. Leenogo pakirak me, niniki mondok-mondok time wonage logonet, nenegen wagangge logogin o.

1 Mbinineegwaarak 21:26

at Aliku ALA ake warogo wogogo logowam ogobakkigippege nagagerik, Ala ake warogo kani kuniyak mendek pege, inom lambunik logowak nduk, ake warogo wogoge, eeke logonet, aakumi inake Aliku ALA yoge mbareegi, Aliku ALA aruk konembunuk, kani mbogut paga nen warogo wogogak ogobakkigirik nogo paga wuppi wagagerak.

1 Mbinineegwaarak 22:1

Ti'nuk, at Ndawut nen ari logonet, “Aliku ninogoba Ala awi yime aret wurogo pugwi, it Iterali mendek nen Ala ake warogo kani kunggak yime aret ogobakkigirogo pugwi, eerugun o,” yinuk, yereegerak.

2 Mbinineegwaarak 6:6

yogondak perak, nendage ki logowam kota Yerutalem aret leenogo pege, ndi, napuri Iterali inarum logowak nduk, at Ndawut aret leenogo mippege, eereegirak o, yinuk, yereegerak nogo o.

2 Mbinineegwaarak 7:12

oonikiya paga Aliku ALA nogo Talomo nikka wage nagagerik, yoge logonet, “Kat nen nggino yo'negendak nogo an muk naruk konenggirak me, an nake warogo wo'negak logowam nawi wukendak yi, leenogo pakirak o.

2 Mbinineegwaarak 7:16

An nendage mondok-mondok ki logowak nduk, nawi wurik yi, miike nagarik, leenogo pakirak me, nenegen wagangge logonet, niniki mondok-mondok yime aret logogin o.

Ndawi 132:13

Ti yoreegindak nogo ti, Kaliku ALA nen o Tiyon leenogo pege, “An o yime aret logokit o,” mba'nuk ari, Eeke logonet,

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Lukat 9:53

Unggwogo mbareegwa, aakumi o Tamariya mendek nen, Yetut o Yerutalem mondok noorak mbake yelok kogo nogogwaarik, “Noorak mbakerak me, nawak o,” mbareegwaarak.

Yaya 4:12

Niyo tookkolagak, yuurak nduk ninogoba Yakup nggween kabunogo pinaneegerak yi, at inom, at apuri inom, at aanggumi inom, nonggo nogogwaarak kwe, at meek, ndi, kat iya me nduk yagan ya?”

Pelaareegerak 11:29

Togop aret me, at Aliku kinogoba Ala nen o kit unde a'nuk logowam time abu aret pinagi nage kenok, ale'nggen kinoba pinagarak nogo ti, puut Nggeritin paga logonet yogwe, ndi, kugi pulunogo pinagarak nogo ti, puut Eban paga logonet yogwe, eeko logomunggup o.

Pelaareegerak 27:12

“Kit niyo Yoraran abu mbanogo wunda nogo logomonggotik, inanebunu Timeyon, Lewi, Yekura, Itakat, Yutup, Mbeniyamin, it apit nen aakumi yi, inale'nggen inoba piyaawak nduk, puut Nggeritin paga mi'ndak wonogwe,