Yaya 4:10 - Ala Wone Peenok Peebi Mbanak

¹⁰ Yoge mbareegi, at Yetut nen at yoge logonet, “Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek aret wokkenetak o.”

Yaya 4:10 ပူးပေါင်းရင်းမြစ်များ

Ndawi 10:17

Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Ndawi 46:4

Niyo ambi elaganggen alitik-alitak wage nen At Tiyanak Lombok Menggerak Ala agota alik leenak menggim wonogwe nogo Iniki ale'nggen eerogo piige menggerak o.

Ndawi Iya 4:15

Yabu yarak me niyo eneeri abe kilanogo wumbit nage, Puut Libanon paga nen niyo ngganggik-ngganggok wambit wage, eeke menggi kwak wonage, Eerak menggendak o.

Yetaya 12:3

Aap niyo abu nen niyo miin toologo nengge kenok iniki yawe ari menggi kwak, At Ala kinagap ndaremenggerak paga kit togop aret kiniki ale'nggen alik negen eekkinake kaamunggup o.

Yetaya 35:6

Ne ti eyom paga it aap inendop maluk nogo, rusa ku'mbonggak nege menggi kwak, ku'mbonggak nugwi, Inoone yogolik iniki apit nogo inoone warak a'nuk, inale'nggen nen keekok yogwe, Eeko logogun o. Ne ti eyom paga o karume niyo eneeri nggwok aret kilanogo wumbit wage, Karume kwe, niyo nggwok nage,

Yetaya 42:6

“Wone yugu a'me nggelok eeke logonok nduk, Naliku ALA nen aret kat wiigege, Eerit nage keegak, panggonggake logonet, karum wonage, Eerigin o. It aakumi ninom wone koonogo pereegirak nogo a'me aret eeke, Yi aakumi ndi aakumi inambik eya kaawak nduk eerogo piige,

Yetaya 43:20

Ninogoba Ala iya o, yinuk, agan nugu logowak nduk, it aakumi leenogo piige nagagirik, Inendage toonogo piyareegirak napuri nogo nen inagi nonggo logowak nduk, o karume niyo warak eerogo pege, Aakumi lek me karume niyo nage logowak nduk koonogo pege, Eeke paga it eyonggaame mendek ndiimbu-nggwiya nen inale'nggen nombako agaarik kwe,

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yetikiyen 16:35

Togop aret me, kwe ya wukak yi wae. Aliku ALA nen yokkege yi, karuk konengge logot o.

Takariya 13:1

At Omaawi Lombok Menggerak Aliku ALA nen ari logonet, “Ne ti paga it aap Ndawut paga wiganak inom, it o Yerutalem wonogwe inom, nen maluk eekwi, an mbo paninuk alik mugurok nogwe, eeko nogogwaarak nogo, mili kookwi kwak, lek eerogo pogo logowak nduk, it inake niyo eneeri ambi warak eerogo pigin o.

Takariya 14:8

Ne ti paga niyo ineenik aganake logorak o Yerutalem paga nen wungge logomenggerik, mogonogo ando oonegen lagi wage menggim pa'nggwe laut paga kuni nage, ando oonegen kilu yi nage menggim pa'nggwe laut paga kuni nage, eeke kagak, o kibi age, o mayu wage, eeke logogin o.

Lukat 11:13

Lek me, kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek, Aberiniki wo'niru o, yogwi kiinok, wokkiraagin lek mbakop? Wokkiraagin aret o,” yinuk, yoragagerak.

Yaya 16:3

Ti eekkinabugun nogo ti, an nogoba nimbirak ineenggo'lek me eekkinabugun o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Yaya 4:14

niyo an nen wogoraminggirak nunggwi iinok perak, abu eeginabigin mondok lek o. Niyo an nen wogoraminggirak nogo, eneeri inikime nen kila-kila wungge logonet, mondok-mondok ineenik eeginake logogin o.”

Yaya 6:35

Yogo mbareegwa, Yetut nen, “Mbi ineenik eeginake minggirak an aret o. Kit ambi nen an nowagam wogwe kiinok, abu eekkinabigin mondok lek o. Ndi, kit kiniki an noba panggombunuk, abet nombakwi kiinok, yi abu eekkinabigin mondok lek mban.

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.

Nappiigak 9:11

Yoge mbareegi, at ninogoba nogo nen at yoge logonet, “Mi'na'nuk, tu endage Mot-Mot yogo menggam aap Yurat ame time nak o. Aap ambi endage Tawulut awi Tarutut mendek nen tamban eeke me, kat Ananiyat nen aret at owagam unggwage nagandik, anobak keenggi tebembunuk, enegen ogut agaarak nogo obeelom eeke abinggaanggo paga kegerak me, time nage logomenggendik, Tawulut yime wonage ilik, lek a? yinuk, yora nak o.”

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

1 Korindut 10:4

ndi, yugum wareegerak nogo ti, Keritut kwak me, wake mbareegi, Ala nen niyo wogoragagerak nogo, it abok aret nunggwi, eereegwaarak kwe,

2 Korindut 9:15

Ala ninabuwa nen mondok alik negen wo'niragagerak nogo mbininogo yuurak meek me, at mban, “Wa, wa,” yogo logowok o.

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Iberani 6:4

It aakumi inomaluk mbo punuk, Ala wone konenggwi iigak, inikime eya aganake, mbogut paga nen onggo lek we wo'nirage nogo ombat kogwe, Aberiniki inikime waganggwi,

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

Wayu 21:6

Yo'nege nagaarik, ambinom yo'nege logonet, “O maan aa'nduk togon wonagagirak alom Alpa inom, ndi, irip paga mondok logorak Omega inom, ti an aret me, yokkigirak nogo ti, muk eeke me nduk yokkigi o. It aakumi niyo abu eeginake kenok, an nen niyo ineenik aganake menggerak eneeri wungge me nen onggo lek we aret toologo wogorage logogin o.

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.