Yaya 4:1 - Ala Wone Peenok Peebi Mbanak

¹ Yetut nen at apuri ambik agago piinok, yiime wuppiige, ndi, Yaya perak, at apuri mbereeret negen agago piinok, yiime wuppiige, eekwi nogo, it aap Pariti mendek inaruk koneneegwaarak. (

Yaya 4:1 ပူးပေါင်းရင်းမြစ်များ

Lukat 1:76

Ndi, naput kat yi perak, ninogoba eerit nage logorak tu yarit nage logonok nduk, kaa'nduk nage logonet, aakumi inomaluk lek eerogo piige kenok, inagap ndariyak wone nogo, ineenu aruwak nduk, yoranet namenggendak paga kendage, At Tiyanak Lombok Menggerak Oone Yoraga yi aret o, yinuk, yokkogo logogun o.

Lukat 19:31

It aakumi time nen, Kit nonggop nduk keledai ti, piinggo ogotik o, yokkirogwe iinok, kit nen yorogo logonet, Nit ninogoba keledai lek me, Wa nanip o, yo'nirage mbaki, wa wogo, yoraanu o,” yinuk, nappiyareegerak.

Lukat 19:34

Yorogo mbareegwa, it nen, “Nit ninogoba keledai lek me, Wa nanip o, yo'nirage mbaki, wa wogo o,” yorogo nogogwaarik,

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Lukat 7:19

Yogo mbareegwa, Yaya nen at oone waganggwi mendek mbere wiirage nagagerik, wogo mbareegwa, it yorage logonet, “At woroorak nogo kat aret wagandak ilik, alik ambi woraagin nduk tokkogo logomun a? At ninogoba Yetut nogo yori nanip o,” yinuk, nappiyareegerak.

Yaya 3:22

Ti yorage nagagerik, ti'nuk, Yetut at oone waganggwi mendek inom o Yureya unggwi nogo nogogwaarik, time inom logonet, aakumi niyome wuppiigo nogogwaarak.

Yaya 3:26

Alelo wappunuk, Yaya owagam wogo nogogwaarik, at yogo logonet, “Ngguru wae. At kimbirak yi Yoraran enebaga logonet, abok paganogo yoragagindak nogo, niyome wuppiige me, aakumi apit at ka nogo agaarik o.”

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

1 Korindut 1:17

At Keritut nen aakumi niyome wuppiinet nege logokit nduk, an nappani woroolik o. Ata, wone obeelom wone yoranet nege logokit nduk nappani wagagerak me, Keritut eyo karo-karo paga wareegwaarak nogo, we aanom warogo kambeegerak mbakwi iyo, it aap iniki ngget paga inoone amburu ndik-ndik yogo mengga kwak, an togop yoranet negeelik o.

1 Korindut 15:47

Aap aa'nduk wakkagagerak nogo ti, nggween mendek aret wakkagagerak. Ndi, aap peebi mendek nogo ti, at awi alom mbogut paga nen aret wagagerak.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Yakobut 2:1

Nowe-nawot o. At abu tiyanak menggerak ninowe Yetut Keritut nogo, kiniki oba panggombunuk abet mba'nuk eerit nogo logonet, aakumi inetenggen liippiinok, eeppiigo logogup o.

Wayu 19:16

Ndi, at endage nogo ti, Aap Inendagembogut Inowe Endagembogut inom, Aakumi Inoweewi Inowe inom, nogo ti aret me, ambogoyum paga inom, ambulok paga inom, at endage ti, liiru mbanak wonage kagarak.