Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yaya 3:8 - Ala Wone Peenok Peebi Mbanak

8 O wiya iniki nen aret warit nage kagak, oonebu ari mban karuk konengge kwe, alom ngga nen warit wage, nggeeme warit nage, nogo ti, kat keenggo'lek ugun kobak menggendak nogo ndak-ndak, it aakumi Aberiniki nen ndaganake nogo ti, ti pogom aret o.”

အခန်းကိုကြည့်ပါ။ ကော်ပီ




Yaya 3:8
21 ပူးပေါင်းရင်းမြစ်များ  

At Aliku ALA nen oone ari kenok, O wiya nabuninuk wage logonet, Niyo kilaarak-mogonik eerogo nippit wage paga


Ndi, o wiya nogo abolok nggobo agan nage, Yi kilaarak-mogonik eeke nogo tebe agan wangge, Eeruwak nduk yoge, Eereegerak.


At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.


O wiya o omarip paga nen warit wage nagaatik, wangge'nuk, o ame paga nen nombok-kombok warit negetak-negetak iyokan ame aret ari nage menggerak.


Inambe aagi wunaka'lek aret iige neegak, at nen an yo'nege logonet, “Aakumi nen ndarak yi wae. Inambe aagi eeriyak nogo yoret o. Inambe aagi eeriyak nogo yorage logonet, Aliku Itok Menggerak ALA nen yegerak nogo yi o. Aakumi inambe aagi ti, wiya o agi-ogu nen, aru-ogwe nen, warit wage menggim nen warit wage logonet, aakumi inoorak inowak nggininik yi, ineenik aruwak nduk, inikime unggwit woraawak o, yinuk, yoret,” yo'nereegerak me,


It aap nogo aakumi inapuri ndaganakwi kwak ndaganabulik o. Ndi, aakumi nggween paga mendek nen, “An naput ndarikit,” mba'nuk, ndaganakwi kwak ndaganabulik mban. Ata. Ala nen aret ndaganabeegerak o.


Togop me, Ngget nda'nariyak agaarak, wone yokkigi yi nogo, Ie! yinuk, kagabiti mbarugun o.


Yoge mbareegi, at Nikoremut nen, “Ti yagandak ti, nonggop eeriyak me nduk yagan o?”


o ambit me nogome kwi'ndak wonogwe me, wiya oonebu agan nage menggi kwak, abera'lek me mbogut paga nen oonebu agan oome nogome yagabit ari unggwagagerak.


Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.


Ti eeppinanege menggerak abok aret at Aberiniki eebe alik ambit nen at iniki mbaketak ndak-ndak aret ninalitak lombok unde eeppinanege menggerak.


Aap ambi iniki mbake nogo, it ando ineenggo'lek iigak, at alik eenu menggerak ti ndak-ndak, Ala mbake nogo Ala Aberiniki alik mban eenu menggerak.


At Keritut ti, abe koonak mban eeke menggerak kineenu me, it aap obeelom eeko menggaarak nogo, “Yi at Ala nen aret ndaganabeegerak kagi o,” yinuk, abet aret mbarumunggup o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ