Yaya 3:5 - Ala Wone Peenok Peebi Mbanak

⁵ Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Yaya 3:5 ပူးပေါင်းရင်းမြစ်များ

Matiyut 18:3

“Kit aap yi, kiniki koonggwi ti, lek eerogo punuk, elege mbuulogwe yogop yi arumunggup lek kenok, at mbogut paga mendek abu'me piige menggim unggwi namunggup mondok lek o, yinuk, abet aret yokkiragi o.

Matiyut 19:24

Ndi, ambi yi yokkira. Unta eeruwak paga keeleluwi laanak nggwok kagak, liiru eno mbuuluk pelenak me unggwi noorak op negen kwe, aap eenggi warak kenok perak, Ala abu'me piige menggim unggwi noorak ti, meek negen aret o.”

Matiyut 21:31

Inogoba eeriyak iniki mbareegerak nogo apuri mbere me, ambi ta nen eereegerak mbakop?” Yorage mbareegi, it nen, “Lek o. At peebi mendek nogo nen aret eereegerak kogo o.” Yogo mbareegwa, at Yetut nen, “It aakumi mondok ineenik logorak mbakwi iinok, obeelom eerit nugu logorak Ala mbake wone nogo, at Yaya nen mamunggira wagagerak kwe, kit nen, Yi abet aret yo'nirage, mbaka'lek kiigak, it o unde inake wu kuwak eeka inom, kumi terak wurinaka inom, nogo nen mban abet mbareegwaarak. Ndi, it aret abet mbareegwaarak kinigen iigo nogotik, Ao, nit kunduk, ninomaluk mbo punuk, abet mbaruwok o, yuurak op aret kwe, mbo punuk, abet mbaka'lek wonogwe me, kit awo Ala abu'me unggwi naga'lek kiigak, it o unde inake wu kuwak eeka inom, kumi terak wurinaka inom, inaa'nduk aret unggwi nogo agaarik o, yinuk, abet aret yokkiragi o,” yoragagerak.

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Marakut 10:14

Mberirogwe nogo Yetut iige nagagerik, anini ambik age logonet, “Ala abu'me logorak ti, it elege-aabologwe yogop yi kwak aret me, an nowagam woraawam non mbambiigwi ti mage o. Op aret, yoraanip o.

Marakut 16:16

Wone obeelom wone yora namonggotak iniki abet mba'nuk, yiime wanggwi iinok, inagap ndarigin o. Ndi, wone ti, iniki abet mba'nuk wagangga'lek iinok perak, maluk agago aret piyaagin o.

Marakut 9:47

Kinigen peenok imbirak wonage kagak, kani omoonuk wunuk mban ari menggim time mbo pinagarak ti, maluk aret me, kinigen paga maluk eeriyak eekkinake kenok, peenok kilirogo pinip o. Kilirogo punuk, peenok paga mban at Ala abu'me unggwi noorak perak, op o.

Lukat 13:24

Yoge mbareegi, Yetut nen, it yorage logonet, “Tu mbuuluk paga unggwi noorak nduk, lin wako logonip o. It aakumi apit aret unggwi noorak nduk, eeremenggaarak kwe, meek tit kaagun o, yinuk, yokkege agarik o.

Lukat 13:3

Lek o. Kit maluk eeko monggotak nogo kiniki koombunuk, mbo pugwi lek kiinok, kit kunduk, togop aret eeppinagage kaamunggup o, yinuk, yokkirage agarik o.

Lukat 13:5

Lek o. Kit maluk eeko monggotak nogo kiniki koombunuk, mbo pugwi lek kiinok, kit kunduk, abok togop aret eeppinagage kaamunggup o, yinuk, yokkiragi o,” yoragagerak.

Yaya 1:13

It aap nogo aakumi inapuri ndaganakwi kwak ndaganabulik o. Ndi, aakumi nggween paga mendek nen, “An naput ndarikit,” mba'nuk, ndaganakwi kwak ndaganabulik mban. Ata. Ala nen aret ndaganabeegerak o.

Yaya 3:3

Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”

Yaya 3:4

Yoge mbareegi, at Nikoremut nen, “A puk! Aap abu anggok a'nuk, peebi nonggop togon nda'nariyak yagan? At agalo inikime unggunuk, ambinom ngget nda'nariyak op me yinuk, yagan ya?”

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

1 Korindut 15:50

Noreewi o. An wone yokkirage yi, kit liippatubagip nduk, yokkira o. Ninagabolo nggween mendek yi, nggonengga'lek kagak Ala abu'me piige menggim unggwi nagun lek o. Ndi, ninagabolo pili ariyak mendek nggonenogo mbo pega'lek kagak, ninagabolo ngget mondok logorak mendek yippinanigin lek mban o.

1 Korindut 2:12

Ala nen onggo lek nit we wo'niragagerak nogo nineenu aruwok nduk, aakumi nggween paga mendek iniki mbakwi nogo mendek koloolik o. Ata, Ala nen Aberiniki nappinani wagagerak nogo aret kologogurak o.

1 Korindut 6:11

Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

Nggalatiya 6:15

Inagabolo mbanak kenok, mbanak lek kenok, ti imbirak iya lek o. Ata, niniki ngget ogobakkigirogo pinanege logonet, ninobaabut koonogo pinanege ti perak, iya o.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.

1 Yaya 2:29

At Keritut ti, abe koonak mban eeke menggerak kineenu me, it aap obeelom eeko menggaarak nogo, “Yi at Ala nen aret ndaganabeegerak kagi o,” yinuk, abet aret mbarumunggup o.

1 Yaya 5:1

Kit nen, “Yetut ti, Keritut aret o,” yinuk, abet mbakwi kiinok, Ala nen aret ndakkinabeegerak me, kit at apuri aret ogotik o. Ndi, kinogoba Ala kiniki kunik eekwi kiinok ti, apuri ndarak nogo inom kiniki kunik eeginako logorak me,