Yaya 3:31 - Ala Wone Peenok Peebi Mbanak

³¹ Ti yorage nagagerik, ambinom yorage logonet, “It aakumi abok aret tebenak iigak, at agi nen wagagerak nogo mondok tiyanak wonage o. It nggween paga nen ndarak ti, nggween paga mendek me, nggween paga mendek wone mban yogo menggaarak. It aakumi abok aret tebenak iigak, at mbogut paga nen wagagerak nogo, mondok tiyanak aret wonage o.

Yaya 3:31 ပူးပေါင်းရင်းမြစ်များ

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Yaya 1:15

At Yaya nen oone nggwok paga at nogo abok paganogo yorage logonet, “Aap ambi nambokan woraagin nogo, an nda'naga'lek neegak, at aa'nduk togon wonagagerak me, an ta mbuuluk. Ndi, at mondok nggwok aret o, yinuk, yokkirage nagagirak nogo eebe yi aret o,” yinuk, yorage nagagerak.

Yaya 1:27

At nogo ti, nambokan woraagin kwe, at aap nggwok me, an nen iyogogut nggerenak piiniyak meek o,” yinuk, yoragagerak.

Yaya 1:30

Aap ambi an nambokan woraagin nogo an nda'naga'lek neegak, at aa'nduk wonagagerak me, an ta mbuuluk. Ndi, at mondok nggwok aret o, yinuk yokkirage minggirak nogo eebe yi aret o.

Yaya 3:30

At tiyak ari kagak, an tebek yuurak agaarak o,” yinuk, yoragagerak.

Yaya 6:33

Mbi Ala nen wokkirage nogo ti, mbogut paga nen wambi wage nagagerik, aakumi nggween paga menggaarak ineenik eeginake menggerak nogo mendek aret o, yinuk, mondok abet aret yokkiragi o.”

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.

Yaya 8:23

Yogo mbareegwa, it yorage logonet, “Kit yime mendek, ndi, an perak, agi mendek aret o. Kit aap nggween paga mendek kwe, an perak, nggween paga mendek lek o.

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

Oroma 9:5

It inombomini ti, Abarakam inom, Itak inom, Yakup inom, aret me, it paga inombooluk Keritut nogo aakumi pogom aret nda'nagagerak. Yi mendek ndi mendek abok aret tebenak kagak at mondok tiyanak wonage at eebe Ala aret me, “Wa,” yinuk, mondok-mondok keyage wakak mban eeko logowok o. Amin!

Iberani 9:1

Wone aa'nduk koonogo yoragagerak nogo eeko logonet, Ala alut eeko logorak kenok, “Togop aret eeko logonip o,” yinuk, yoragagerak wone yugu inom, eeko menggam aakumi nen wureegwam nogo inom, wonagagerak.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

1 Yaya 4:5

It aap ti, nggween paga mendek mban mugurok nugwi nogo mendek aret me, it aap nggween paga mendek mban mugurok nugu menggaarak nen inoone yogwe iinok, it aap nggween paga mendek mban mugurok nugwi nogo nen inoone yogwe nogo inaruk konenggo menggaarak.

Wayu 19:16

Ndi, at endage nogo ti, Aap Inendagembogut Inowe Endagembogut inom, Aakumi Inoweewi Inowe inom, nogo ti aret me, ambogoyum paga inom, ambulok paga inom, at endage ti, liiru mbanak wonage kagarak.