Yaya 3:26 - Ala Wone Peenok Peebi Mbanak

²⁶ Alelo wappunuk, Yaya owagam wogo nogogwaarik, at yogo logonet, “Ngguru wae. At kimbirak yi Yoraran enebaga logonet, abok paganogo yoragagindak nogo, niyome wuppiige me, aakumi apit at ka nogo agaarik o.”

Yaya 3:26 ပူးပေါင်းရင်းမြစ်များ

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Matiyut 23:7

yi mendek ndi mendek onggo kunggo menggam, Nit mban keyage wappinanuwak, mbakwi, aakumi nen, Ngguru wa, yinuk, yo'niroorak mbakwi, eeko logorak inikilom mbako menggaarak kwe,

Matiyut 23:8

kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o.

Yaya 1:15

At Yaya nen oone nggwok paga at nogo abok paganogo yorage logonet, “Aap ambi nambokan woraagin nogo, an nda'naga'lek neegak, at aa'nduk togon wonagagerak me, an ta mbuuluk. Ndi, at mondok nggwok aret o, yinuk, yokkirage nagagirak nogo eebe yi aret o,” yinuk, yorage nagagerak.

Yaya 1:7

At Yaya nen aakumi inikime eya eeginake menggerak nogo abok paganogo yorage logokit nduk, wagagerak. At yorage paga yi aakumi ndi aakumi abok aret iniki eya nogo oba panggombunuk, abet mbaruwak nduk, paganogo yorage a wagagerak.

Yaya 1:9

Eya abe mendek o nggween paga yime unggwi wage logomenggerik, yi aap ndi aap inikime eya eeginake logorak nogo aret wambi wagagerak.

Yaya 11:48

Eerit nege logowak nduk teppugwi niinok, it aakumi abok aret iniki at oba panggombunuk, abet mbako logonet, mugurok nogwe iinok, it aap Oroma mendek nen wogo logomenggaarik, Ala awi wurik inom, nit aakumi nineebe inom, lek eerogo pinanugwi iyoorak me, nonggop eerumun o?” yinuk, yereegwaarak.

Yaya 12:19

Ka wunggo mbareegwa, it Pariti mendek nen it-it wone mbanggo logonet, “Wologo wae! Yi aakumi ndi aakumi abok aret at mugurok nogwe me, nit ambi at eeppurak kenok, abe ariyak lek yi kogo ogotik?” yinuk, yogogwaarak.

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

Yaya 4:1

Yetut nen at apuri ambik agago piinok, yiime wuppiige, ndi, Yaya perak, at apuri mbereeret negen agago piinok, yiime wuppiige, eekwi nogo, it aap Pariti mendek inaruk koneneegwaarak. (

Yaya 4:2

Ti koneneegwaarak nogo ti, at Yetut nen aakumi yiime wuppiige logolik kwe, at oone waganggwi nen mban yiime wuppiigwi iigak, yogwe nogo inaruk koneneegwaarak.)

Yaya 4:31

Awo wogwe iigak, at Yetut oone waganggwi nen Yetut yogo logonet, “Ngguru wae! Mbi yi namen o.”

Yaya 5:33

Kit yonggo Yaya owagam nappiyareegutak nogo, nogo mbareegwa, wone abet lombok paganogo yokkiragagerak.