Yaya 3:13 - Ala Wone Peenok Peebi Mbanak

¹³ Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 3:13 ပူးပေါင်းရင်းမြစ်များ

Kini Wuppiige 30:4

Ta nen mbogut paga lagi nanuk, wambi wage, Ta nen o wiya eenggime kuwak eerogo porogo wonage, Ta nen ayum irip paga yi kole laut nogo nggeremborogo wonage, Ta nen o nggween yi irip-irip kuli mbanogo pege, Eeke menggerak mbakop? At ti endage ta o? Ndi, apuluk kunduk, endage ngge o? Kit kineenu me, yo'ninip nda!

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 17:5

Togop me, nogoba o! O awo wakkaga'lek kagak, kat nimbirak logonet, tiyanak wonagagirak nogo ndak-ndak yogondak kat wonage me time tiyappanu o.

Yaya 3:12

An nggween paga wone yokkirage nogo kit abet mbaka'lek me, mbogut paga wone yokkirage neenok, nonggop togon abet mbarumunggup mbakop?

Yaya 3:31

Ti yorage nagagerik, ambinom yorage logonet, “It aakumi abok aret tebenak iigak, at agi nen wagagerak nogo mondok tiyanak wonage o. It nggween paga nen ndarak ti, nggween paga mendek me, nggween paga mendek wone mban yogo menggaarak. It aakumi abok aret tebenak iigak, at mbogut paga nen wagagerak nogo, mondok tiyanak aret wonage o.

Yaya 6:33

Mbi Ala nen wokkirage nogo ti, mbogut paga nen wambi wage nagagerik, aakumi nggween paga menggaarak ineenik eeginake menggerak nogo mendek aret o, yinuk, mondok abet aret yokkiragi o.”

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Yaya 6:42

“A puk! Aap yi, Yutup aput endage Yetut agalo-ogoba nineenu nogo nen aret ari yi, lek a? An mbogut paga nen wambi wagagirak o, yo'nirage yi, nonggop yo'nirage mbakop?”

Yaya 6:46

Wone yokkirage yi nogo ti, it aap nen ninogoba Ala eebe inigen kogogwaarak me nduk yokkirage lek o. Ata, an Ala wonage me nen wagagirak nalik mban nenegen kagagirak.

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.

Yaya 6:62

An aap aret nda'nagagirak wonagagim niyok paga lagangge kinigen neego logomonggotik, kit nonggop nombarumunggup.

Yaya 8:42

Yogo mbareegwa, at Yetut nen it yorage logonet, “Kit kinogoba Ala abet aret logonetak en, an Ala wonage me nen wage nagagirik, yime wonage me, ninom kiniki kunik aret logonetak o. An niniki mba'nuk nen woroolik o. Ata, at nen aret nappani wagagerak kwe,

Nappiigak 2:34

At Ndawut nogo mbogut paga lagi noolik kwe, at nen ari logonet, At Ala nen an nogoba Ala yoge logonet, It kinom wim mbanak mendek nogo Aan lebenogo kabu'me piiga'lek neegak, Neenggi abe'nggan kwi'nari mok, yoreegerak o, yinuk, yereegerak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Oroma 10:6

Abet mbakwi paga obeelom eerogo pinaniyak wone nogo ti, Ala nen, “Kiniki koonggo logonet, Keritut wonok wambi woraawak nduk, ta nen mbogut paga lagi nage, ndi, Keritut wonok lagi woraawak nduk, ta nen aakumi kanggo menggam wambi nage, eerigin o?” yinuk, liiru mbaneegerak o.

1 Korindut 15:47

Aap aa'nduk wakkagagerak nogo ti, nggween mendek aret wakkagagerak. Ndi, aap peebi mendek nogo ti, at awi alom mbogut paga nen aret wagagerak.

Epetut 1:23

Ndi, nit Ala apuri yi awi ndi awi kuwak eeko monggoorak lambuk togon nogo ti, at eebe aret me, eebe ambit aruwak nduk, nit nineebe anobak nogo paga kumbinaneegerak me, yogondak at eebe yi awi ndi awi abok aret mondok endak warak menggerak.

Pelaareegerak 30:12

Wone an yokkirage yi, kit nen, Agi mbogut paga wonage, mba'nuk, yogo logonet, Wone ti, nit liirogon konembunuk, eeruwok lak, ta nen agi mbogut paga time lagi nanuk, wonok wura wage logomenggerik, yo'nira wage,