Yaya 3:11 - Ala Wone Peenok Peebi Mbanak

¹¹ Nineenu kenok mban yokkirogwe, ninigen kogoorak nogo paganogo yokkirogwe, eekwi kwe, paganogo yokkirogwe nogo kit wagangga'lek aret ogotik o, yinuk, mondok abet aret yokkiragi o.

Yaya 3:11 ပူးပေါင်းရင်းမြစ်များ

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Yetaya 55:4

It aakumi inanebunu lombok abok aret ineenu aruwak nduk, an mippereegirak ti, kaawak o. An mippereegirak aakumi inarum waka yigin unde inowe at aret o.

Yetaya 65:2

It aakumi noone eeriyak ineebi mbako logonet, tu abe kagak maluk paga nogwe, Nit ndogop kwak ee'ne, mbakwi nogo mban mugurok nogwe, Nenegen neegak kulinik-kalinik ineyabume kugi aanggo warogo wogogwi, Warogo wogogak yugum ogobakkigirik paga obari abe kaga nogo kani kunggwi, Eekwi ti paga an niniki andi eerogo panugwi, Aakumi inogoma nen wone ambi yo'niraawak o, yinuk, oonikiya aakumi inowak paga inom, kwiyona inom, kwi'nari unggunuk toriigwi, Wam enggaanggum noorak lek kagak nunggwi, Ogole warak mendek kagak inaguwali paga lappogo nagaatik, niyo amburu inom nunggwi, An neebe abu nggomoorak aret me, nowagam koorok ari wage mage o. Ata, tayo yinip o, yinuk, yogwe, Eeko menggaarak yi, Neya woraawak nduk, o kubondendok nen nok oonikiya, Wa'nip o, yinuk, neenggi walok yoragatak kwe, meek aret o. It aakumi ti mendek ti, ka'luk an nogobak me unggwage menggi kwak, Ko'lu-kii'me kani omoonuk wunuk mban ari menggi kwak aret wonogo menggaarak o.

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Matiyut 23:37

Wone ambinom yorage logonet, “Kat kota Yerutalem ao! Kota Yerutalem ao! Kat nen it Ala yorage kagak yokkiraga nogo inooke, it aap Ala nen yonggo nappiya wage kenok, yugum paga toguurit-tagaarit eerogo inooke, eeke menggendak me, ao. An ta, towe ayam iyagalo nen oo'nuwe a'naabit abu'me tebembiirogo menggi kwak, kaagalogwe kuwak eeppiyaakit lak ao, mbakitak kwe, Neebi, ari menggendak nogo o.

Lukat 10:22

Yoge nagagerik, “An nogoba nen yi mendek ndi mendek abok aret an unde logokit nduk, wo'nereegerak. Ala aput ti ta o? It aakumi ineenggo'lek nogoba alik mban eenu menggerak. Ndi, nogoba ti ta o? Ti, at aput an nalik mban neenu minggirak. Ndi, aput an nen it aakumi nogoba ineenu aruwak nduk, paganogo yoroorak mbake neenok, it kunduk, ineenu ogo menggaarak o,” yinuk, yoragagerak.

Yaya 1:11

At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 14:24

Aap ambit ambi an iniki kunik ee'nake lek kenok ti, an noone eeke logogin lek aret o. Wone an yokkirage kit konenggwi nogo ti, an niniki koombunuk nen yokkirage lek o. Ata, at nappani wagagerak nogoba nogo ari kenok, yokkirage agarik o.

Yaya 3:12

An nggween paga wone yokkirage nogo kit abet mbaka'lek me, mbogut paga wone yokkirage neenok, nonggop togon abet mbarumunggup mbakop?

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 3:3

Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”

Yaya 3:5

Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Yaya 5:43

Nogoba nen nappani wagagerak an nogo, kit wo'naka'lek kwe, aap alik ambi at iniki mba'nuk wage kenok perak, aret waamunggup kiigi o.

Yaya 7:16

Yogo mbareegwa, at Yetut nen, “An wone mamunggirage minggirak nogo ti, an mbake paga mamunggirageelik o. Ata, at nappani wagagerak nogo nen yo'nege kagak, mamunggirage minggirak o.

Yaya 8:14

Yogo mbareegwa, at Yetut nen, “An nen aret nabok paganggo'net nage kwe, an ngga nen wagagirak, ndi, nggeeme nagin nogo an neenu aret me, noone yokkirage ti, abet aret o. An ngga nen wagagirak, ndi, nggeeme nagin nogo, kit kineenggo'lek aret o.

Yaya 8:26

Kit eerit nogwe nogo paga maluk kinoba pinagage logonet, yi wone ndi wone ambik yokkiroorak nduk agarik o. At nappani wagagerak nogo abet aret ari menggerak me, an at oone konembunuk mban kit nggween paga monggotak nogo yokkirage minggirak o,” yinuk, yoragagerak.

Yaya 8:38

An nogoba nimbirak logonet, nenegen kagagirak nogo yokkirage minggi kwak, kit togop aret kinogoba nen yokkiragagerak koneneegutak nogo eeko monggotak kiigi o, yinuk, yokkiragi o.”

Nappiigak 22:18

nogoba nen yo'nege, An nabok paganogo yoramenggendak nogo konenugun lek me, o Yerutalem mbo punuk, mbet-mbet o alik me nak o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,