Yaya 20:9 - Ala Wone Peenok Peebi Mbanak

⁹ At Yetut kambunuk, nogo menggam nen eenik a'nuk, mi'narigin nogo, Ala wone liiru mbanak wonagagerak kwe, at oone waganggwi mendek nogo awo liippega'lek kobak aret wonogogwaarak.

Yaya 20:9 ပူးပေါင်းရင်းမြစ်များ

Ndawi 22:15

Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Oteya 13:14

Aakumi kambunuk nogo menggam omaawi pippiinok wonage me nen inagap ndarogo wumbiige, Ndi, it kanggwi iyo, an nen inili eerogo piige, Eeriyak ya? It aakumi ti, an nen inabuwa mba'nuk ambinom pegiyaagin me, Kanggo menggam ti nen kugilingga inoba nappi wage, Aakumi kambunuk nogo menggam ti nen aakumi ineebe inoorogo piyoorak omaawi nappi wage, Eeruwak o.

Matiyut 22:29

Yogo mbareegwa, at Yetut nen, “Ala wone liiru mbanak inom, Ala omaawi inom, kit liippega'lek logonet, wone ti, alik lombok yogwe kiigi o.

Lukat 24:26

At Ala nen leenogo mippereegerak Mesias nogo aaninggin-paaninggin oba pegaarak yogotak nogo, oba pega'lek kagak, at tiyappuurak mbakop? Lek o. Oba puurak agaarak me, pegaarak o,” yinuk, yorage nagagerik,

Lukat 9:45

Yoragagerak kwe, it kobak mban wonogogwaarak. Ndi, wone ti, yelok kogwe iyo, nobarak negen yoragagerak kwe, “Yo'niragandak nogo ti, nonggop yo'niragan o?” yinuk, inagabiti nen kin wokkoolik puk ogogwaarak.

Yaya 2:22

Peebi Ala nen Yetut kambunuk, nogo menggam nen eenik agago mippege mbareegi, at oone waganggwi nen wone yoragagerak ti, abereegwaarak. Abeko nogogwaarik, Ala wone liiru mbanak inom, wone Yetut nen yoragagerak nogo inom, abet mbareegwaarak.

Nappiigak 17:3

Yorage logonet, “At Ala nen leenogo mippereegerak Keritut nogo, andi yagan wappunuk, kambunuk nogo menggam nen eenik a'nuk mi'nariyak koonak wonagagerak me, mi'nagagerak o,” yinuk, amburu mbanogo liirogon yorage nagagerik, “Yetut eereegerak yokkirage yi, Ala nen leenogo mippereegerak nogo, at aret o,” yinuk, yoragagerak.

Nappiigak 2:24

at kanggo menggam time mondok tebenak logorak meek me, kambunuk nogo menggam time yagan wake logokwak Ala nen eenik agago mippegerak o.

1 Korindut 15:4

Kangge mbareegi, at eebe waganogo ndoome mambereegwaarak. Mambogo mbareegwa, Ala wone liiru mbanak ndak-ndak, nogo mbere yinuk, eenik agago mippereegerak.