Yaya 20:8 - Ala Wone Peenok Peebi Mbanak

⁸ Ndi, kage nagagerik, awo taati wonage kagak at Yetut oone waganggwi mendek ambi ndoome aa'nduk nagagerak nogo nen kunduk, ndoome unggwi nanuk, enegen kage nagagerik, abet mbareegerak.

Yaya 20:8 ပူးပေါင်းရင်းမြစ်များ

Lukat 16:31

Yoge mbareegi, Abarakam nen, It kogobamini nogo nen Muta yereegerak wone inom, it Ala nen yorage kagak yoraga inoone inom, konenggulik kenok, aap ambi kanggo menggam nen eenik a'nuk, yora nage kenok kunduk, it iniki abet mbarugun lek, yoreegerak o,” yinuk, yoragagerak.

Yaya 1:50

Yoge mbareegi, at Yetut nen, “Kat eyo wuli alome wonage keegirak o, yinuk, yokkigirak paga kiniki noba panggombunuk, abet nombakendak ya? Kat eeke kagandak yi ti, mbuuluk negen eeke kagandak kwe, peebi perak, nggwok aret eeke kaamunggun o.”

Yaya 20:25

at Yetut oone waganggwi mendek ando nogo nen Tomat yogo logonet, “Ninogoba muk ninigen kogoorak o.” Yogo mbareegwa, at Tomat nen, “Wologwe! An at eenggi pulu warak awinobam nenegen kage, ndi, eenggi pulu warak me inom, obate pelenak me inom, neenggi mambege, eeka'lek neegak, an abet mbarigin lek o,” yinuk, yoragagerak.

Yaya 20:29

Yoge mbareegi, Yetut nen at yoge logonet, “Tomat wae! Kat kenegen neege nagandik, kiniki noba panggombunuk, abet nombakendak kwe, it aakumi ando inigen neega'lek logonet, iniki noba panggombunuk, abet nombakwi iinok perak, iniki ale'nggen ambik kogo logogun o,” yinuk, yoreegerak.

Yaya 20:4

imbirak puu'nuk nogo logonet, at Yetut oone waganggwi mendek ambi nogo nen Peterut wuppunuk, at aa'nduk ndoome nogome ari nagagerak.