Yaya 20:4 - Ala Wone Peenok Peebi Mbanak

⁴ imbirak puu'nuk nogo logonet, at Yetut oone waganggwi mendek ambi nogo nen Peterut wuppunuk, at aa'nduk ndoome nogome ari nagagerak.

Yaya 20:4 ပူးပေါင်းရင်းမြစ်များ

2 Tamuwen 18:23

Yoge mbareegi, at Akimaat nen, “An ambi kolaakit, mba'nuk, noorak ari lek me, kagak aret na o.” Yoge mbareegi, at Yowap nen, “Ti kenok, nak aret o.” Yoge mbareegi, aap Kuti mendek nogo awo nage kagak, at Akimaat nogo tu o Yoraran kobappaga mbe agan nage nagagerik, at aa'nduk aret unggwi nagagerak.

Ala Unde 13:30

aap an neebe unde nen pekkage logomenggerik, awin wonage me taa'nogo omoori tari wuyo eerogo pege, inikime kanu yi unggwage, eeremenggerak kage kenok ti, anobak paga a, ondogowak paga a, Yigani pege nagaarik, awin aaga'ne aret agaarak kagi, mba'nuk, aap nogo yoge, Kat keebe ogole warak abu maluk aret agandak o, yinuk, yoruwak o.

Yaya 20:3

Yorage mbareegi, at Peterut aap Yetut oone waganggwi mendek ambi nogo imbirak wundi wogo nogogwaarik, ndoome pekka nawok nduk,

Yaya 20:5

Ndoome nogome aa'nduk ari nage nagagerik, ena tebe yinuk, enegen mannage nagagerik, yum yawenak nogo mban enaani nggonenak kage nagagerik, unggulik puk agagerak.

Yaya 20:8

Ndi, kage nagagerik, awo taati wonage kagak at Yetut oone waganggwi mendek ambi ndoome aa'nduk nagagerak nogo nen kunduk, ndoome unggwi nanuk, enegen kage nagagerik, abet mbareegerak.

1 Korindut 9:24

It aakumi onggo koloorak nduk, nggare agan nogo logonet, ineebe apit aret nggare agan nogo menggaarak kwe, ambiret mban onggo kolage menggerak nogo, kit kineenggo'lek a? Togop me, onggo kolaabagip nduk, kit kunduk togop aret nggare agan togon nogo logonip o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.