Yaya 20:2 - Ala Wone Peenok Peebi Mbanak

² Kage nagagerik, puu'nuk Timon Peterut inom, aap Yetut oone waganggwi mendek ambi iniki kunik wonagagerak nogo inom, iya wage nagagerik, yorage logonet, “Wologwe! Ninogoba eebe ndoome nen waganogo nggeeme pi nagaarak nogo nit nineenggo'lek o.”

Yaya 20:2 ပူးပေါင်းရင်းမြစ်များ

Yaya 13:23

Inigen pet-pet yogo logonet, aap at oone waganggwi mendek ambi Yetut iniki kunik wonage nogo Yetut imbirak tabonak kwi'ndak wonage me,

Yaya 19:26

Yetut nen at agalo inom, at oone waganggwi mendek ambi iniki kunik wonagagerak nogo inom, taati wonogwe enegen iige nagagerik, at agalo nogo yoge logonet, “Nagalo yi wae. Kaagaluk ti aret o.”

Yaya 20:13

Iige mbareegi, it nogo nen kwe Mariya yogo logonet, “Kwe yi wae. Kat nonggop nduk le ari agandik o?” Yogo mbareegwa, at Mariya nen, “Lek o. It aakumi nen an nogoba wonok nagaarak o. Ndi, at eebe nggeeme pi nagaarak nogo an neenggo'lek me, le ari agarik o.”

Yaya 20:15

Mbaka'lek mbareegi, Yetut nen at yoge logonet, “Kwe yi wae. Kat nonggop nduk le ari agandik o? Ta kwaake agandik?” Yoge mbareegi, at Mariya nogo nen, “Aap yi, yabu yarak unde nogo aret,” mbake logonet, “Ai, nogoba. At eebe kat aret wonok nagandak kenok, ngga pi nagandak an wa naakit nduk, yo'niru o.”

Yaya 20:9

At Yetut kambunuk, nogo menggam nen eenik a'nuk, mi'narigin nogo, Ala wone liiru mbanak wonagagerak kwe, at oone waganggwi mendek nogo awo liippega'lek kobak aret wonogogwaarak.

Yaya 21:20

Yoge mbareegi, nogo logonet, at Peterut ena logurogon pe'nage nagagerik, at Yetut oone waganggwi mendek ambi at iniki kunik aa'nduk mbi nunggwi me, Yetut imbirak tebenak logonet, “Nogoba wae. Ta nen konggo mbanigin o?” yoreegerak nogo, inambokan wage Peterut enegen kagagerak.

Yaya 21:24

Aap Peterut nen Yetut oone waganggwi mendek ambi nogo enegen kenok, Yetut yoreegerak nogo ti, an neenok aret yoreegerak o. An nogo nen nenegen kage nagagirak nogo paganogo yokkirage, ndi, wone yugu liiru mbanogo pinagage, eekirak yi nogo ti, nit nineenu me, abet aret yokkiragi o.

Yaya 21:7

Nippi woroorak meek age mbareegi, at oone waganggwi mendek ambi Yetut iniki kunik wonagagerak nogo nen Peterut yoge logonet, “Wulaga! Aap ti ninogoba aret kagi o,” yinuk, yoreegerak nogo at Peterut aruk konembunuk, ambogoyum endekem mendek nggoorak nogo yikko'nok yiiro nogo mbo punuk yiime tabuk yi wambeegerak.