Yaya 20:1 - Ala Wone Peenok Peebi Mbanak

¹ Tamban eekak yuurak ne iyaalok warennagagerak Hari Minggu paga o weerikit nduk o apit aago kagak, kwe Mariya awi Magaralena mendek ndoome nage nagagerik, yugum tu narak nogo pelenogo nappugu kagagerak.

Yaya 20:1 ပူးပေါင်းရင်းမြစ်များ

Matiyut 27:56

Inigen nakkogogwaarak nogo ti, at Mariya Magaralena inom, it Yakobut Yutup imbirak inagalo Mariya inom, at Tebereyut apuri inagalo inom, kumi ando inom, ti nen aret inigen nakkogogwaarak.

Matiyut 27:60

ndoome yugum eno nendaarogo pateegim mambege nagagerik, yugum tabak nggwok laganogo tungga nappunuk, nagagerak.

Matiyut 27:64

at oone waganggwi nogo nen wogo logomenggaarik, eebe kote woppunuk, aakumi yorogo logonet, Kambunuk nogo menggam nen eenik a'nuk mi'nagaarak o, yinuk, yorogwe iinok, at Yetut aa'nduk aakumi iniki nomoninabeegerak ti, mbuuluk negen, ndi, it at oone waganggwi nogo nen nggwok togon nomoninakwi iyo, kat nen Yetut warak eebe pegam nogome ne kenagan kuli paga tum wako logowak nduk, kawuri yoret o.”

Matiyut 27:66

Yorage mbareegi, nogo nogogwaarik, “Yugum narak worekkagaarak kaamun ilik?” yinuk, wa'mbok punuk, it yigin unde nogo nen aap warak pereegwam nogome tum wako logowak nduk, piinok, nogogwaarak.

Matiyut 28:1

It Yakuri tamban eeppunuk, ko'lu tamban eekak yuurak ne iyaalok warennagagerak Hari Minggu paga kuubondendok at Mariya Magaralena kunduk, kwe ambi endage Mariya kunduk, imbirak Yetut eebe pereegwam nogome inigen pekkaawok nduk, wogogwaarak.

Matiyut 28:2

Wogwe iigak, Ala yonggo nappiya wage menggerak malayikat ambi mbogut paga nen wambi wage nagagerik, yugum tu narak nogo laganogo nappunuk, ti paga awo kwi'nage kagak, o mi nggwok nuk yereegerak.

Marakut 15:46

Yoge mbareegi, mbogoyum yawenak tabak ambi onggo punuk, wonok, eebe warak nogo piinogo wuppi wage nagagerik, mbogoyum yawenak tabak nogo paga nggerenogo yugum ndo nendaarak me mambunuk, yugum laganogo tungga nappereegerak.

Marakut 16:9

Tamban eekak yuurak ne iyaalok warennagagerak Hari Minggu paga kuubondendok at Yetut nogo eenik a'nuk, mi'nage nagagerik, at kwe Mariya awi Magaralena mendek kugi 7 inikime lik yereegerak nggiginogo wumbiyareegerak nogo, aa'nduk lombok nikkagagerak. Nikkage mbareegi,

Yaya 11:38

Yogo mbareegwa, Yetut ne ambinom iniki aagi wo agan lagangge kagak, Latarut kambeegerak pereegwam nogome aret nagagerak. Kambeegerak pereegwam nogo ti, ndoome yugum tu narak aret wonage me,

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

Yaya 19:25

Eekwi iigak, at Yetut agalo inom, at agaloluk inom, kwe Mariya aap Keleyopat akwe nogo inom, ndi, Mariya awi Magaralena mendek nogo inom, Yetut eyo karo-karo aago abu'me taati aret wonogogwaarak.

Yaya 20:26

Yorage mbareegi, nogo 7 yinuk, ko'lu paga it aap Yetut oone waganggwi mendek Tomat inom oome tu kunci narak kagak wonogwe me, Yetut inenggela'me mi'nari unggwage nagagerik, yorage logonet, “Noreewi kinogut li o.”

Nappiigak 20:7

Tamban eekak yuurak ne iyaalok warennagagerak Hari Minggu paga mbi karerogo nawok nduk kuwak eereegurak me, at Pawulut ko'lu naakit nduk eeke logonet, wone yorage kagak, oonikiya nogo iniki agagerak.

1 Korindut 16:2

An wage neenok, wu kuwak eerukwak, yogondak aret kit kinawu kuwak eeko logonet, tamban ambi eekak eekwi paga kinalitak lombok it inake ambit nabik ambit nabek kuwak eerogo pogo logonip o.

Wayu 1:10

Yime wonage me, Ninowe mi'nagagerak eyom tamban eekwi nogo paga Aberiniki ninikime lik ari mbaki, nambokan nen oone nggwok eeka trompet nogo oone nggwok ari naruk konengge neegak,