Yaya 2:2 - Ala Wone Peenok Peebi Mbanak

² Ndi, Yetut at oone waganggwi mendek inom aap kwe kolage me nogome woraawak nduk, inayonggo pereegwaarak wogogwaarak me,

Yaya 2:2 ပူးပေါင်းရင်းမြစ်များ

Matiyut 12:19

Yoranet nage logonet, aakumi inom wone warit nage, Oone nggwok paga mappiinet nage, Tu nggwok paga nage logonet, oone omaawi paga yoranet nage, Eeke logogin lek o.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Yaya 2:12

Ti'nuk, at Yetut nogo at agalo inom, awuri inom, at oone waganggwi mendek inom, o Kaperenawum nogo nogogwaarik, time logonet, ne mande negen wonogogwaarak.

Yaya 2:17

Yoragagerak nogo at Yetut oone waganggwi nogo nen, “Nogoba Ala wae! Kawi wurik nogo op logowak nduk, niniki aganggen kerek togon eerit nage paga niniki lek ee'nake o,” yinuk, yereegerak wone liiru mbanak nogo abereegwaarak.

Yaya 2:22

Peebi Ala nen Yetut kambunuk, nogo menggam nen eenik agago mippege mbareegi, at oone waganggwi nen wone yoragagerak ti, abereegwaarak. Abeko nogogwaarik, Ala wone liiru mbanak inom, wone Yetut nen yoragagerak nogo inom, abet mbareegwaarak.

Yaya 2:3

anggur amburu nogo lek age mbareegi, Yetut agalo nen at Yetut yoge logonet, “Anggur amburu nogo abu lek agaarak o.”

Yaya 3:22

Ti yorage nagagerik, ti'nuk, Yetut at oone waganggwi mendek inom o Yureya unggwi nogo nogogwaarik, time inom logonet, aakumi niyome wuppiigo nogogwaarak.

Yaya 4:2

Ti koneneegwaarak nogo ti, at Yetut nen aakumi yiime wuppiige logolik kwe, at oone waganggwi nen mban yiime wuppiigwi iigak, yogwe nogo inaruk koneneegwaarak.)

Yaya 4:33

Yorage mbareegi, at oone waganggwi it mban-mban wone mbanggo logonet, “At noorak mbi ambi wogori wagaarak ilik?”

Yaya 4:8

o kota nogome unggwi nogwe iigak, at alik aret wonage me, kwe Tamariya mendek ambi niyo tookkolaakit nduk, wagagerak. Wage mbareegi, Yetut nen at yoge logonet, “Kwe yi wae. Niyo naakit nduk, too'niriyak op ilik?”

Yaya 6:12

Wogoragagerak nogo nonggo nogogwaarik, ndonggoppiige mbareegi, Yetut nen at oone waganggwi nogo yorage logonet, “Ando ndiinik ti, mbo pugwi iyo, ambime kuwak agago pi woraanip o.”

Yaya 6:16

Lagi nagagerak kagak, o kiip age mbareegi, Yetut oone waganggwi mendek yi yenggenak aa'nggi paga wambi wogo nogogwaarik,

Yaya 6:60

Yoragagerak it at oone waganggwi mendek ando ambik konenggo nogogwaarik, “Wone yi aaninggin ambik me, ta nen koneniyak mbakop?” yogogwaarak.

Yaya 6:66

Wone ti yoragagerak paga it at oone waganggwi mendek ando ambik Yetut inom ambinom nugu logolik mbo punuk mbaganeegwaarak.

Yaya 6:67

Mbaganggo mbareegwa, Yetut nen at oone waganggwi 12 nogo yorage logonet, “Kit kunduk mbaganiyak mbaka'lek ogotik?”

Yaya 6:70

Yoge mbareegi, at Yetut nen, “An nen kit aap 12 miikkinabeegirak nogo lek a? Aap 12 miikkinabeegirak kwe, kit kinenggela'me ambi Ibilit aput aret kagi o,” yinuk, yoragagerak. (

Yaya 6:71

Ti yoragagerak nogo ti, aap Timon Ikariyot aput Yurat it aap at oone waganggwi 12 ambi nogo aret kwe, peebi Yetut onggo mbanigin at aret me nduk yoragagerak.)

Yaya 6:8

Yoge mbareegi, at oone waganggwi ambi Timon Peterut awot Andereyat nogo nen Yetut yoge logonet,

Yaya 7:3

Yetut awuri nen at yogo logonet, “Aap ambi at eebe ineenu aruwak nduk, eeke nogo ti, kote eekeelik me, kat eeke menggendak nogo it kat koone waganggwi nen eeke inigen keyaawak nduk, o yi teppunuk, o Yureya eeri nak o. Kat eeke menggendak nogo eeke keenok, it aakumi abok aret inigen keyaawak nduk nggwok paga eerit nege logot o,” yinuk, yoreegwaarak.

Nappiigak 11:26

kwaappunuk wonok, o Andiyokiya wagagerak. Wonok wage nagagerik, imbirak logonet, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut oone waganeegwaarak, “Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.

Nappiigak 11:29

Yoragagerak nogo mbi noogelo age mbareegi, it Yetut oone waganggwi nogo nen iniki koonggo logonet, “Nit ninalitak ninamendek wonage nakkagak, kuwak eeppunuk, ninoreewi Ala apuri o Yureya wonogwe nogo inake nappiyaawok o,”

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

1 Korindut 7:39

Kwe ogonggelo awo eenik wonage kenok ti, wone yugu paga imbirak lambunik wonage kwe, ogonggelo kangge kenok perak, nanu pemenggerak wondet aago wonage me, kwe nogo nen, “Aap alik kolaakit,” mbake kenok ti, koloorak op aret kwe, kolage logonet, Ala aput kenok mban kolage logowak o.

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

Iberani 13:4

It aap kumi kundugume wurinabit nugwi, komologwe tawe ugun wurinabit nugwi, eekwi iinok, Ala nen inowak loonogo maluk onggo wogoraagin me, aap ambi akwe koloorak nduk, lambumbiigwi nogo ti, abu obeelom aret me, tiyappuurak aret o. Ndi, kolage logomenggerik, imbirak nogo yuurak ti kunduk, abu obeelom mban aret me, nogo yugu menggam maluk age kero, arum liirogon logowak o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.