Yaya 2:16 - Ala Wone Peenok Peebi Mbanak

¹⁶ Eeke nagagerik, it towe puume onggo mbanggwi nogo yorage logonet, “Towe yi apit aret wogoret nanip o. Kit an nogoba awi wurik me yime, yi mendek ndi mendek kunggo menggam negen eerogo pogotak me, neebi a,” yinuk, yoragagerak.

Yaya 2:16 ပူးပေါင်းရင်းမြစ်များ

Yeremiya 7:11

An nendage ki logorak koonogo pereegim nawi wurik me time aakumi yogoot woppunuk, ari unggwogo menggam aret agaarak mbakop? It eekwi ti, Naliku ALA nenegen wogonake minggirak o,” yinuk, yegerak me, yokkiragi o.

Matiyut 21:12

At Yetut nogo nen Ala awi wurik me unggwage nagagerik, it Ala awi wurik me time at ambi ageerok at ambi onggo kunggolagak eekwi nogo mugogo wumbiige, it wu onggo-onggo eeko menggaarak inageyo ndoonak inom, it towe puume onggo mbanggo menggaarak inageyo kwi'ndak menggaarak inom, a'nggan nggininogo wuppege, eeke nagagerik,

Matiyut 21:13

it yorage logonet, “Ala nen, An nawi wurik ti, tamban eeko menggam aret yogo logowak o, yinuk, yereegerak liiru mbaneegerak kwe, kit perak, o yi aap yogoot woppunuk, kumaa'nari unggwogo menggam eerogo pugwi kiigi o,” yinuk, yoragagerak.

Matiyut 22:5

Yonggo nappiyareegerak yora nogo mbareegwa, it aap nogo nen liikot-laakot yogo logonet, it ando yabu eeri nogwe, it ando yi mendek ndi mendek onggo kero, awone warit nugwi, eereegwaarak.

Marakut 11:17

yorage nagagerik, wone mamunirage logonet, “At Ala nen, An nawi wurik ti, yi aakumi ndi aakumi inanebunu lombok nen tamban eeko menggam yi aret, yogo logowak o, yinuk, yereegerak liiru mbaneegerak nogo lek a? Liiru mbaneegerak aret kwe, kit perak, o yi, aap yogoot woppunuk kiraa'nari nogo menggam eerogo pugwi kiigi o,” yinuk, yoragagerak.

Lukat 2:49

Yoge mbareegi, at nen, “Kit nonggop nduk, an kwaa'nabit wogotak? An nogoba awi wurik me logorak agaarak ti, kit kineenggo'lek me kwaa'nabit wogotak?”

Yaya 10:29

Yi aap ndi aap inomaawi mbuuluk negen kwe, nandomba apit wo'nereegerak nogoba nogo perak, alik omaawi ambik wonage me, aakumi nen ndomba an nogoba eenggi me nen ndininabugun mondok lek o.

Yaya 2:15

Eekwi enegen iige nagagerik, ligi laanak waganogo muun yawi negen ogobakkigippunuk, ndomba tapi abok aret Ala awi wurik me nen teerogo wumbiige, ndi, it aap wu onggo-onggo eekwi nogo inageyo ndoonak ogobakkigirik abut laganogo nggimbege, inawu nogo a'nggan yumbunik-telenak eerogo nappege, eereegerak.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Yaya 5:17

Eerogo pit nogwe iigak, at Yetut nen it yorage logonet, “An nogoba o aa'nduk nen nok, o yogondak yi kuli paga eeke menggerak me, an kunduk, togop aret eeke minggirak o,” yoragagerak.

Yaya 8:49

Yogo mbareegwa, Yetut nen it yorage logonet, “Lek o. An kugi ninikime wonage lek aret o. An nogoba tiyappege minggirak kwe, kit nen an tebembanugwi kiinok, yokkiragi o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.