Yaya 19:9 - Ala Wone Peenok Peebi Mbanak

⁹ Agabiti age nagagerik, ne ambinom aakumi inowak loonggo menggam nogo me unggwi nanuk, Yetut yoge logonet, “Kat kawi alom ngga nen wagagindak o?” Yoreegerak kwe, at Yetut oone lek puk mban wonagagerak.

Yaya 19:9 ပူးပေါင်းရင်းမြစ်များ

Yetaya 53:7

At aaninggin oba pugwi, andi-pandi eerogo pugwi, eekwi iigak, “Eeppaniyak op aret o,” mba'nuk, puk aret agagerak. Ndomba aagaluk waruwok nduk wonok nogwe iigak, puk menggi kwak, at oone lek kagak wonok nogwe, Ndi, ndomba iyagalo eeruwak mbanggwi iigak, oone lek puk menggi kwak, at oone lek puk aret wonage, Eereegerak o.

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Matiyut 27:27

Wogorage mbareegi, it gubernur awuri yigin unde nogo nen at Yetut wonok wone amburu mbanggo menggam unggwogo nogogwaarik, ineebe abok aret Yetut eebe ninggippunuk, wonogo logonet,

Lukat 23:9

Iniki ale'nggen mbake nagagerik, yi wone ndi wone apit Yetut kin wokkagagerak kwe, Yetut wone onggo yoga'lek puk aret wonagagerak.

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Yaya 18:33

Togop aret yogo mbareegwa, at Pilatut nogo nen ambinom unggwi nanuk, Yetut wiireegerak nage mbareegi, yoge logonet, “Aakumi Yakuri mendek inowe endagembogut nogo, kat yi aret ilik?”

Yaya 18:34

Yoge mbareegi, at Yetut nogo nen, “Kat yagandak ti, kalik kiniki mba'nuk nen yagan ilik, it ando nen an nabok yokkegaarak paga yagan a?”

Yaya 18:37

Yoge mbareegi, at Pilatut nen, “Ti kenok, kat aap kendagembogut aret ilik?” Yoge mbareegi, at Yetut nen, “Kendagembogut yo'negendak ti, abet aret yo'negen o. An togop aret logokit nduk nda'nagagirak. Ndi, Ala ndogop menggerak wone paganogo yokkirage logokit nduk, o nggween paga yime wambi wagagirak nogo o! Ala ndogop menggerak, wone yorage nogo waganggwi iinok, Ala apuri aret me, an noone konenggo menggaarak o.”

Yaya 19:10

Puk mban wonage mbareegi, at Pilatut nen, “Kat wone onggo an yo'niriyak ambi mbaka'lek agandik? Piinogo teppagarak ilik, eyo paga nabenogo pagarak a, an unde nogo kat keenggo'lek agandik ya?”

Yaya 19:8

Yogwi nogo, at Pilatut aruk konengge nagagerik, abunuk agabiti agagerak.

Yaya 8:14

Yogo mbareegwa, at Yetut nen, “An nen aret nabok paganggo'net nage kwe, an ngga nen wagagirak, ndi, nggeeme nagin nogo an neenu aret me, noone yokkirage ti, abet aret o. An ngga nen wagagirak, ndi, nggeeme nagin nogo, kit kineenggo'lek aret o.

Pilipi 1:28

It kinom ogoorak wonogwe nogo ineebe paga kinagabiti mbarugup o. Kinagabiti mbaka'lek nugwi ti paga, it kinom ogoorak wonogwe nogo nen, “Ia! It abet aret yogwe me, nit perak, lek eerogo pinaniyak kagi,” yinuk, yugun o. Ndi, kit perak, Ala nen abet aret kinagap ndakkinabeegerak kineenu arumunggup o.

Owak Loongga 13:6

Yoge mbareegi, kwe nogo nen ogonggelo wonage me, wage nagagerik, yoge logonet, “Ala wone liirogon eeka ambi neya wagaarak o. Neya wagaarak nogo ti, enete Ala ayonggo malayikat pogom aret kage nagarik, nagabiti ambik lombok ee'nake mbaki, kat nggeeme nen wagan? Ndi, kat kendage ngge? yoga'lek neegak kwe,