Yaya 17:10 - Ala Wone Peenok Peebi Mbanak

¹⁰ An napuri ti, kat kapuri, ndi, kat kapuri ti, an napuri aret o. It eekwi nogo paga an tiyappanugo menggaarak.

Yaya 17:10 ပူးပေါင်းရင်းမြစ်များ

Yaya 10:30

An nogoba nimbirak ambit aret o,” yinuk, yoragagerak.

Yaya 11:4

Nappiyareegwaarak nogo nogogwaarik, yogo mbareegwa, Yetut konengge nagagerik, yorage logonet, “At Latarut andi eekerak nogo ti, kambuurak nduk eekerak lek o. Ata, Ala aput an ambi eeke neenok tiyappanemenggaarak paga Ala kunduk, tiyanak kin kaawak nduk eekerak o,” yinuk, yoragagerak.

Yaya 12:23

Yogo mbareegwa, at Yetut nen, “An aap aret nda'nagagirak tiyappaniyak eyom muk panggoni wagaarak o.

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Nappiigak 19:17

Eekerak yogwe nogo, it aakumi o Epetut wonogwe Yakuri mendek inom, Yunani mendek inom, abok aret konembunuk inagabiti ogo nogogwaarik, ninogoba Yetut endage tiyappereegwaarak.

Nggalatiya 1:24

“Wi!” yinuk, an eeke nogo paga Ala endage tiyappogo nogogwaarak.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

2 Tetalonika 1:12

Ninogoba Ala at ninowe Yetut Keritut imbirak iniki kunik nen eeppinagagwi iigak, kit togop aret eerit nogo logonet, at tiyappugwi kiinok, at nen kit kunduk tiyappinagage logogin o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.