Yaya 16:8 - Ala Wone Peenok Peebi Mbanak

⁸ At ti wage logomenggerik, aakumi maluk eekwi inom, an obeelom eeke nagarak inom, ndi, Ala nen maluk inoba piyoorak nogo inom, it aakumi nggween paga menggaarak nogo paganogo ineenu eeppiige logogin o.

Yaya 16:8 ပူးပေါင်းရင်းမြစ်များ

Ala Unde 13:12

Ndi, aap an neebe unde nen, Aap awin nogo anobak paga nen nugwa iyok kuli agabolo paga apit aret wiganinuk nagaarak kwa? mba'nuk,

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Yaya 16:7

kit kinake aret nagin me, op aret o. An nagin lek kenok, at kiniki eyak wappinagarak kinowagam woraagin lek o. Nage logominggirik perak, kinowagam nappi woraagin o, yinuk, abet aret yokkiragi o.

Yaya 16:9

It maluk eekwi nogo ti, iniki noba panggombunuk, abet nombakulik ti aret o.

Yaya 8:46

Kit yi ambi nen an maluk eeke neegotak kero, yo'ninip o. An nen, Ala ndogop menggerak, wone yokkirage neegak, kit nonggop nduk, an abet nombaka'lek aret ogotik?

Yaya 8:9

Wone yoragagerak nogo konenggo nogogwaarik, inoweewi inaa'nduk nggigik-mbonok nogwe, inawuri peebi togop aret nogwe, eeko mbareegwa,

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

1 Korindut 14:24

Yogo logogun aret kwe, kit abok aret Ala wone yogwe me, it wogwe iinok perak, kit Ala wone yorogo logonet, wone it inikime kote kumaarak menggerak abok aret paganogo tena'me yorogwe konenggo logomenggaarik, “Wone ti, nit niinok, yo'nirogwe iigo o,” yinuk, iniki ndoguk togon wakkologo logonet, Ala abu'me tebe yinuk, Ala wogoppogo logonet, “Ao, Ala kinom abet aret wonogwe kiigo o,” yinuk, yokkiraagun lek mbakop?