Yaya 16:5 - Ala Wone Peenok Peebi Mbanak

⁵ yogondak perak, at nappani wagagerak nogo ka nage logonet, yokkirage neegak kwe, kit ambi nen, Kat nggeeme nage agandik o? yinuk, yo'nega'lek ogotik o.

Yaya 16:5 ပူးပေါင်းရင်းမြစ်များ

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 13:36

Yorage mbareegi, at Timon Peterut nen, “Kat nggeeme noorak nduk yagan o, nogoba?” Yoge mbareegi, at Yetut nen, “An nawam time kat yogondak nimbirak noorak meek kwe, peebi perak, mu'neren namunggun o.”

Yaya 14:28

An nage logominggirik, kiya woraagin o, yokkiragarak nogo muk konenggotak o. An ti, mbuuluk negen. Ndi, an nogoba perak, nggwok aret me, kit kiniki kunik ee'nabenetak en, At ogoba ka nage me, yinuk, kiniki ale'nggen nggwok mbako logonetak.

Yaya 16:10

Ndi, an obeelom eeke nagarak paga nogoba ka naminggirak me, kit ambinom an neyaamunggup lek o.

Yaya 16:16

Yorage nagagerik, ambinom yorage logonet, “An neebe ne ambiriluk logonuk, lek neyamonggotak kwe, ti'nuk, ne ambiriluk logonuk, aret neyaamunggup o,” yoragagerak.

Yaya 16:17

Yoragagerak at oone waganggwi nogo konembunuk, it ando nen ambi yogak yogo logonet, “An ne ambiriluk logonuk, lek neyaamunggup o, ti'nuk, Ne ambiriluk logonuk, aret neyaamunggup o, ndi, ambi, An nogoba ka nagin o, yinuk, yo'nirage yi, ngge nduk yo'nirage agaarik, mbakop?

Yaya 16:28

An nogoba wonage me nen o nggween paga yime wambi wagagirak. Ndi, yogondak an o nggween paga yime mbo punuk, nogoba ka nage agarik o,” yinuk, yoragagerak.

Yaya 17:13

Yogondak perak, an keya wage agarik o. It aap yi, nale'nggen nggwok inikime lombok kaawak nduk, an o nggween paga yime awo logonet, wone yi yokkege agarik o.

Yaya 17:4

Eeriyak unde eeppaneegindak nogo, abu worok togon eekirak me, ti paga o nggween paga yime kat kendage tiyak yegerak o.

Yaya 6:62

An aap aret nda'nagagirak wonagagim niyok paga lagangge kinigen neego logomonggotik, kit nonggop nombarumunggup.

Yaya 7:33

Nappiyareegwaarak Yetut ka nogo mbareegwa, at Yetut nen it yorage logonet, “An ne ambiriluk ninom logogin o. Ninom logominggirik, at nappani wagagerak nogo ka nagin o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.