Yaya 16:3 - Ala Wone Peenok Peebi Mbanak

³ Ti eekkinabugun nogo ti, an nogoba nimbirak ineenggo'lek me eekkinabugun o.

Yaya 16:3 ပူးပေါင်းရင်းမြစ်များ

Lukat 10:22

Yoge nagagerik, “An nogoba nen yi mendek ndi mendek abok aret an unde logokit nduk, wo'nereegerak. Ala aput ti ta o? It aakumi ineenggo'lek nogoba alik mban eenu menggerak. Ndi, nogoba ti ta o? Ti, at aput an nalik mban neenu minggirak. Ndi, aput an nen it aakumi nogoba ineenu aruwak nduk, paganogo yoroorak mbake neenok, it kunduk, ineenu ogo menggaarak o,” yinuk, yoragagerak.

Yaya 15:21

At nappani wagagerak nogo it ineenggo'lek me, eekkinabemenggaarak nogo ti, alom an paga aret eekkinako logogun o.

Yaya 15:23

It aakumi nen an ineebi nombakwi iinok ti, an nogoba kunduk, ineebi ombakwi aret o.

Yaya 17:25

Ai, nogoba! Kat kiniki mondok abe koonak mban menggendak o. It aakumi o nggween paga yime menggaarak nogo nen kat Ala ineenggo'lek kwe, an perak, kat neenu aret o. Ndi, kat nen abet aret nappani wagagindak nogo, it aap yi, muk ineenu agaarak o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Yaya 8:19

Yorage mbareegi, it nen at yogo logonet, “Kogoba eebe ngge o?” Yogo mbareegwa, at nen, “An inom, an nogoba inom, kit kineenggo'lek aret ogotik o. An neebe kit kineenu a'netak nen, an nogoba kunduk kineenu a'netak o,” yinuk, yoragagerak.

Yaya 8:55

Kit at eebe kineenggo'lek kwe, an perak, at eebe neenu aret o. At eebe an neenggo'lek yenetak en, kit pilit pugunggo monggop kwak, an togop aret pilit puguninetak o. At eebe neenu me, at oone an eeke minggirak aret o.

Nappiigak 3:17

Ai, noreewi. Kinoweewi kinom eekotak nogo ti, kobak logonet eekotak an neenu aret o.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

2 Tetalonika 1:8

it aakumi Ala ineenggo'lek obeelom wone ninowe Yetut eeke nagagerak wone nogo wagangga'lek iinok, maluk onggo wogora woraagin eyom nogo paga niniki tayenogo pinanigin o.

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.

1 Yaya 2:23

Aput Yetut mbo pugwi kenok, ogoba kunduk mbo pugwi, ndi, “Yetut ti, Ala aput Keritut aret o,” yinuk, waganggwi iinok perak, ogoba kunduk waganggwi, eeko menggaarak o.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

1 Yaya 4:8

Ndi, at Ala nen yi aap ndi aap abok aret inabuwa mbake logonet, iniki kunik lombok aganake kagak kwe, nit ninoreewi niniki kunik aganakwi lek niinok perak, “It aap yi, Ala ineenggo'lek aret iigo o,” yinuk, mbako logogun.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.