Yaya 16:2 - Ala Wone Peenok Peebi Mbanak

² It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Yaya 16:2 ပူးပေါင်းရင်းမြစ်များ

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Ndaniyen 11:33

It aakumi inenggela'me aap iniki warak nogo ti nen eeko logorak wone nogo, liippuwak nduk, mamuniragak eeko logogun kwe, ne mande negen age kagak, it aap mamuniraga ti, wooluwak paga inookwi, ineebe kani paarogo piigwi, keele maarinakwi, ndi, inamendek kugun waganggwi, eeko logogun o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Yaya 12:42

At Yetaya togop aret liiru mbaneegerak kwe, kagak, aakumi inoweewi apit aret iniki Yetut oba panggombunuk, abet mbareegwaarak. Abet mbareegwaarak kwe, it Pariti mendek nogo Yakuri tamban eeko menggam nen wumbiigwi iyo, inagabiti nen, “Nit at oone waganggwi mendek aret o,” yinuk, pagangga'lek aret wonogogwaarak.

Yaya 16:25

Yetut nen ambinom yorage logonet, “Wone yi yokkirage nogo eegu laarogo mban yokkirage kwe, an nogoba abok nogo kin paga paganogo yokkiroorak eyom panggoni woraagin nogo paga an wone eegu laarogo ambinom yokkirage logogin lek o.

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Yaya 4:21

Yoge mbareegi, at Yetut nen, “Kwe yi wae! Puut yi paga inom, o Yerutalem inom, ninogoba alut eeriyak lek eyom panggoni woraagin, abet aret mbake logot o.

Yaya 4:23

It aakumi nen ninogoba abet aret alut eekwi ti, at Aberiniki, Ala ndogop menggerak, yo'nirage nogo nen yorage kagak alut eeko logorak eyom peebi kwe, yogondak muk wagaarak o. At ninogoba Ala nen, It aakumi togop aret nalut ee'nako logowak, mbake menggerak o.

Yaya 9:22

Yorogogwaarak nogo ti, it aap Yakuri mendek nen koonggo logonet, “Aakumi nen, Aap ti, Ala nen leenogo mippereegerak Keritut aret o, yinuk paganggwi iinok, nit Yakuri tamban eeko menggam nen wumbiyaawok o,” yinuk, kooneegwaarak me, aap nogo agalo-ogoba aap Yakuri mendek inagabiti nen, “Nit nineenggo'lek o.

Yaya 9:34

Yorage mbareegi, it nen onggo at yogo logonet, “Kat mondok kitok maluk lombok nda'nagagindak nen yogondak wone nit mamunninaburak nduk eeke agandik ya?” yinuk, eebe endekem mugogo wumbereegwaarak.

Nappiigak 5:33

Wone ti konembogo nogogwaarik, inanini wu agan nage mbareegi, “Mondok inooruwok,” mbakwi me,

Nappiigak 7:56

yorage logonet, “Kinigen nigiyaanip o. Mbogut keyaakerak enggela'me aap aret nda'nagagerak nogo Ala eenggi abe'nggan mi'ndak wonage kagi o,” yoragagerak.

1 Korindut 4:13

miyuk-meya eerogo pinanugwi iigak, nit nen wone onggo obeelom mban yorogwe, eekwi niigak, aakumi nggween paga mendek inambeebuk laaguret munogo mbo nagako mengga kwak, o maan nen yogondak kuli paga togop aret eeppinanugo agaarik o.

Pilipi 3:6

Wone ti nogo, niniki kundugu lombok logonet, Ala apuri kuwak eerit nogo menggaarak nogo piyak-payak eerogo inoorit nege nagagirak. Obeelom eekkolaawak nduk, Muta wone ndak-ndak eeko menggaarak nogo, an togon ndak-ndak aret eeke nagagirak me, aakumi ambi nen inoone noba panega'lek aret wonogogwaarak.

Wayu 6:9

Ti'nuk, Ndomba Aagaluk nogo nen keele 4 maarak piingge nagaarik, ambi maarak nogo piingge mbaki, it aakumi Keritut inake eereegerak wone abet mba'nuk, mbo pega'lek Ala wone mondok liippunuk mugurok nogwe iinok, inooko nogogwaarak nogo, inogoma Ala ake warogo kani kunggo menggam abu'me taati wonogwe iigirak.

Owak Loongga 6:30

it aap inawi kota time mendek nen aap Yowat nogo inoone omaawi paga yogo logonet, “Kat kaput ti nen ninagugi Mba'an aanggo warogo wogogo monggom nogo minogo pege, ndi, warogo wogogo monggom eraaninu ninagugi Atiyera ageyo yinik nogo mbanogo pege, eekerak ti, kambuwak nen waruwok nduk wonok yime wundi omok o.”