Yaya 15:2 - Ala Wone Peenok Peebi Mbanak

² Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.

Yaya 15:2 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 92:14

Aap inanggok ari nogwe iigak, Eyo anggen yege menggi kwak, anggen abe yugwi, Eyo mbuk aga'lek ki menggi kwak, it togop aret wonogwe, Eeko logonet,

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Ndaniyen 11:35

O age yobok eeriyak ne koonogo pereegerak aret woraagin me, awo ari waga'lek kagak, it aakumi iniki warak nen mamuniraga eegu inoorogo piyamenggaarak nogo ti, iniki kole aruwak nduk inabut mbanggwi, iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, eekwi iigak, o age yobok panggoni woraagin o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Maleyaki 3:3

Mbuti perak at mendek mban age, abinak age, eeruwak nduk, aap kani woraka kwak a'nuk, eeppiige logogin o. Mbuti emas inom, mbuti perak inom, enete abinak aruwak nduk, kani worako mengga kwak, it Lewi mendek togop aret eerogo piige kenok, ake wogiri wogwe nogo ti, iniki ale'nggen paga wagangge nogo mendek ake pi wogo logogun o.

Matiyut 13:12

Kit kinamendek wonage kenok ti, ambinom oba lunogo wokkiramenggerak me, ambik aret arigin o. Ndi, kinamendek lek kenok ti, kinamendek mbuuluk porogo wonogwe nogo aret ndinogo kolage kaamunggup o.

Matiyut 13:33

Yorage nagagerik, wone ambi eegu laarogo yorage logonet, “At mbogut paga abu'me piyoorak nogo ti, roti piike menggerak nogo pogom aret me, kwe ambi nen roti piike menggerak nogo waganogo gandum anggen yigirik ambik pugume kilirogo wuppunuk, inom nombongge kenok, abok aret piike menggerak o,” yoragagerak.

Matiyut 15:13

Yogo mbareegwa, Yetut nen, “Iri'ngga-kale'ngga awi an nogoba mbogut paga mendek nen yarulik kenok ti, mondok kinigin aret o.

Matiyut 21:19

eyo wuli ambi tu paga wonage enegen kage nagagerik, alome panggo yi nanuk, eyo nogo anggen yugu lek we engga mban wonage kage nagagerik, eyo eebe nogo yoge logonet, “Kat eyo yi, kanggen abu yega'lek aret logomunggun o.” Yoge mbareegi, eyo wuli nogo, o ti eyom aret mbuk agagerak.

Matiyut 25:29

Kit kinamendek wonage kenok, ambinom lunogo wokkiramenggerak me, kilu-kilu wundigin o. Ndi, kinamendek lek kenok, mbuuluk porogo wonogwe nogo aret ndinogo kolage kaamunggup o.

Matiyut 3:10

Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o.

Matiyut 3:12

Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.

Matiyut 7:19

Eyo anggen obeelom mendek yege lek kenok ti, muurogo kani kunik me mambogo menggaarak o.

Marakut 4:20

Ndi, nggween mili paga wambit nagagerak nogo ti, it wone konembunuk waganggaatak me, anggen yi'nage logonet, ero ando anggen 30 yege, ando anggen 60 yege, ando anggen 100 yege, eeke menggerak nogo aret o,” yoragagerak.

Lukat 8:13

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Yaya 15:1

Yorage nagagerik, ambinom yorage logonet, “Eyo abe ero ti, an aret o. Ndi, eebe unde ti, nogoba aret.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Yaya 15:3

An wone yokkirage nagagirak nogo paga mbeenogo pinagareegirak wonogo ogotik.

Yaya 15:6

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

Yaya 15:8

Anggen ambik yi'nogo logomonggotak paga kit abet aret an noone waganggwi mendek kiyaagun me, ti paga an nogoba endage tiyak yigin o.

Yaya 17:12

It wo'nereegindak nogo an ninom logonet, kat komaawi eeppaneegindak nogo paga ndegeninake nagarak o. Ndegeninake neegak, ambi kobak arulik kwe, at ambi kobak ariyak nduk nda'nagagerak nogo perak, Ala wone yugu liiru mbaneegerak nogo a'me lik yuwak nduk, kobak agaarak o.

Oroma 11:17

Eyo tayitun abe aakumi nen yarak nogo mendek eno'mbak ando pendenogo mbo nappunuk, obaane'me eyo tayitun endekem penaame mendek mbanogo ero paga kumbi woramenggerak amburu omanggen me nen lagi nage logonet, mondok kwit agan lagangge menggi kwak, kit endekem konenggulik mendek kwe, togop aret kumbinagi wage kenok,

Oroma 11:22

At Ala iniki yanggonak paga eeppiige, anini paga eeppiige, eeke menggerak nogo liippinip o. Aakumi maluk eekwi iinok, anini inoba piige menggerak kwe, “Ala iniki yanggonak paga eeppinanege me, at yo'nege kenok mban eerit nage logokit o,” yinuk, eerit nogwe kiinok perak, at yanggorogon aret eeppinagage logogin o. Ndi, lek kenok, kit togon Ala nen pendenogo nappinagagin aret o.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

1 Korindut 13:1

An aakumi inoone amburu ndik-ndik yogo mengga kwak ari, malayikat mendek inoone ari, eeke minggirak kwe, aakumi inabuwa mbaka'lek logonet ari neenok, an niyowak toolak lek me, oone lobale nggwok mban ari menggerak ndak-ndak aret ari minggirak kagi o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.