Yaya 14:4 - Ala Wone Peenok Peebi Mbanak

⁴ An nawam time tu noorak nogo kit kineenu aret o,” yinuk, yoragagerak.

Yaya 14:4 ပူးပေါင်းရင်းမြစ်များ

Lukat 24:26

At Ala nen leenogo mippereegerak Mesias nogo aaninggin-paaninggin oba pegaarak yogotak nogo, oba pega'lek kagak, at tiyappuurak mbakop? Lek o. Oba puurak agaarak me, pegaarak o,” yinuk, yorage nagagerik,

Yaya 10:9

Tu an aret o. It aap tu an wonage yi paga unggwi wogwe iinok, inagap ndakkolaagun o. Inagap ndarak wonogwe me, yinggak-unggwagak eeko logonet, inagari'ngga mbanogo nenet nogo logogun o.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 14:2

An nogoba ame time aakumi logorak inake ogoorak ambik wonage o. Togop lek logonetak en, kit logowam time an pipuk eerogo pinagakit nduk, nage o, yinuk, yokkiranetak lek o.

Yaya 14:28

An nage logominggirik, kiya woraagin o, yokkiragarak nogo muk konenggotak o. An ti, mbuuluk negen. Ndi, an nogoba perak, nggwok aret me, kit kiniki kunik ee'nabenetak en, At ogoba ka nage me, yinuk, kiniki ale'nggen nggwok mbako logonetak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 14:5

Yorage mbareegi, Tomat nen, at yoge logonet, “Nogoba o! Kat nawam time nit nineenggo'lek aret me, tu nonggop togon nineenu arugun o?”

Yaya 16:28

An nogoba wonage me nen o nggween paga yime wambi wagagirak. Ndi, yogondak an o nggween paga yime mbo punuk, nogoba ka nage agarik o,” yinuk, yoragagerak.

Yaya 3:36

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.