Yaya 14:1 - Ala Wone Peenok Peebi Mbanak

¹ Yorage nagagerik, wone ambinom yorage logonet, “Kit kiniki piirik logogup o. Ala inom, an inom, kiniki ninoba panggombunuk, abet ninombako logonip o.

Yaya 14:1 ပူးပေါင်းရင်းမြစ်များ

Ndawi 43:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoreegirak o.

Ndawi 77:10

Yinuk, mbake nagarik, niniki wakkolage logonet, “At Tiyanak Lombok Menggerak eenggi abe'nggan paga eerit wage kagak, Yi tahun ndi tahun eerit wagagerak nogo Lek agaarak kwa?” mbareegirak mendek,

Yetaya 26:3

Aap ambi Aliku ALA oba panggonak wonage kenok, iniki nu'lek wonage nogo, Iniki ugun mondok tayenak logowak nduk, Aliku ALA nen eeppege menggerak o.

Yeremiya 8:18

An niniki abu puru aago wonage, Neebe andi negen ee'nabit unggwage, eeke me, Obeelom ee'naburak meek aret o.

Yaya 11:33

Yoge mbareegi, Mariya inom, it aap Yakuri mendek Mariya mugurok nogogwaarak nogo inom, leenggu maakwi Yetut iige nagagerik, “Yi agaarak neebi o,” yinuk, iniki aagi wo agan lagangge logonet,

Yaya 12:27

Yorage nagagerik, at nen ari logonet, “Yogondak niniki abu puru yegerak me, an nonggop yi o? Yogondak eeppaniyak koonggwi yi, eeppanugwi iyo, lek eerogo pu o, nogoba, yori ilik?” mbareegerak mendek, ti'nuk, ogoba yoge logonet, “Lek o. Yi eeppanuwak nduk aret wagagirak me,

Yaya 12:44

Togop mbakwi iigak, at Yetut oone nggwok paga it yorage logonet, “Kit ambi kiniki noba panggombunuk, abet nombakwi kiinok, an mban abet nombakwi lek o. Ata, at nappani wagagerak nogo aret kiniki oba panggombunuk, abet ombako monggotak.

Yaya 13:19

Wone yi a'me lik ari kenok, kit nen, At eebe nogo yi aret kogo o, yinuk, kiniki noba panggombunuk, abet nombarubagip nduk, a'me lik yega'lek kagak, yogondak yokkirage agarik o.

Yaya 16:24

O maan nen nok, yogondak kuli nendage kumbunuk nogoba ambi nggino yoga'lek aret ogotik o. Kiniki ale'nggen nggwok lombok kaamunggup nduk, nggino yo'nip o. Nggino yogwi kiinok, aret wokkirage kaamunggup o, yinuk, mondok abet aret yokkiragi o,” yoragagerak.

Yaya 16:3

Ti eekkinabugun nogo ti, an nogoba nimbirak ineenggo'lek me eekkinabugun o.

Yaya 16:6

An wone ti yokkiragarak nogo paga kiniki abu puru yogo ogotik kwe,

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

2 Korindut 2:7

Yogondak perak, aap nogo iniki wakkolage logonet, mbo pinaganuk mbaganukwak, eereegerak nogo mari eerogo mbo pogo logomonggotik, iniki eyak wappogo logonip o.

Epetut 1:15

Togop me, kit nen ninowe Yetut abet mba'nuk, kiniki at oba panggombugwi, ndi, Ala apuri ake leenak abok aret kinom kiniki kunik aganakwi, eerit nogwe nogo, an konengge nagagirik,

2 Tetalonika 2:2

Ninoreewi o. It aakumi nen, “Ninowe woroorak eyom abu panggoni wagaarak o,” agan wogo logonet, at ambi nen, “Ala nen wone yo'nege kenok, yokkiragi o,” ari, ndi, ambi nen, “Lek o. Pawulut nen liiru mbaneegerak me, yokkira o,” yinuk, ari, agan wogwe iinok, kinagabiti nen kiniki ma'nogwe kiyo nduk, yokkirogo o.